«ادىرنا» ۇلتتىق-ەتنوگرافيالىق بىرلەستىگىنىڭ باس ەسەپشىسى تولەگەنوۆا گۇلسىمنىڭ اكەسى تولەگەنوۆ اسەت 97 جاسقا قاراعان شاعىندا دۇنيەدەن ءوتتى.
بۋحگالتەرلىك ەسەپكە كەلگەندە الدىنا جان سالمايتىن، ساۋاتتى مامانىمىز تولەگەنوۆا گۇلسىم قايتپاس قايسار مىنەزدى اكەسىنەن العان بولۋ كەرەك. باس ەسەپشىمىزدىڭ اكەسى تولەگەنوۆ اسەت تولەگەنۇلى 1923 جىلى 10 جەلتوقساندا باتىس قازاقستان وبلىسى قاراتوبە اۋدانىندا مۇعالىمدەر وتباسىندا دۇنيە ەسىگىن اشقان.
1942 جىلدان باستاپ ۇلى وتان سوعىسىنا قاتىسقان. سول جىلدارى ورىنبور وبلىسىنىڭ 13-ءشى بريگاداسىندا كىشى كومانديرلەرگە ارنالعان 3 ايلىق كۋرستان ءوتىپ، سەرجانت اتاعىن الدى. ستالينگراد مايدانى 21-ارمياسىنىڭ 293-ءشى اتقىشتار ديۆيزياسىنىڭ 1034-ءشى اتقىشتار پولكىندە سوعىسقان. 1942 جىلدىڭ 19 قاراشاسىندا شايقاس بارىسىندا ءىس-ءتۇسسىز جوعالىپ كەتىپ، كەيىننەن اۋىر جارالانىپ، ۇرىس دالاسىندا قالعانى انىقتالدى.
وسىلايشا تولەگەنوۆ اسەت اۋرۋحانادان شاققاننان كەيىن تاعى دا مايدان دالاسىنا قايمىقپاي قادام باستى. سوعىستان كەيىن تۋعان جەرىندە ۇزاق جىلدار مۇعالىم بولىپ قىزمەت ەتىپ، زەينەتكە شىقتى. حالىق اعارتۋ ءىسىنىڭ ۇزدىگى اتاندى.
ول باتىس قازاقستان وبلىسى قاراتوبە اۋدانىنىڭ قۇرمەتتى ازاماتى ەدى. كەيىننەن الماتىعا كوشىپ كەلىپ، ۇزاق جىلدار بويى باس قالادا تۇراقتاندى. بۇگىنگى كۇنى مارقۇمنىڭ ۇرپاقتارى، وتباسى الماتى قالاسىندا بەدەلدى مەكەمەلەردە قىزمەت ەتەدى. ماڭگىلىك ساپارعا اتتانعان تولەگەنوۆ اسەتتىڭ وتباسىنا، تۋعان-تۋىستارىنا «ادىرنا» بىرلەستىگى ۇجىمىنىڭ اتىنان قايعىرىپ كوڭىل ايتامىز. جاتقان جەرى جارىق، توپىراعى تورقا بولسىن! ارتتا قالعان وتباسىنا بەرەكە-بىرلىك، ىرىس-نەسىبە تىلەيمىز!
«ادىرنا» ۇلتتىق پورتالى
