«Adyrna» bırlestıgınıŋ bas esepşısı Tölegenova Gülsımnıŋ äkesı dünieden ozdy

«Adyrna» ūlttyq-etnografiialyq bırlestıgınıŋ bas esepşısı Tölegenova Gülsımnıŋ äkesı Tölegenov Äset 97 jasqa qaraǧan şaǧynda dünieden öttı. Buhgalterlık esepke kelgende aldyna jan salmaityn, sauatty mamanymyz Tölegenova Gülsım qaitpas qaisar mınezdı äkesınen alǧan bolu kerek. Bas esepşımızdıŋ äkesı Tölegenov Äset Tölegenūly 1923 jyly 10 jeltoqsanda Batys Qazaqstan oblysy Qaratöbe audanynda mūǧalımder otbasynda dünie esıgın aşqan. 1942 jyldan bastap Ūly Otan soǧysyna qatysqan. Sol jyldary Orynbor oblysynyŋ 13-şı brigadasynda kışı komandirlerge arnalǧan 3 ailyq kurstan ötıp, serjant ataǧyn aldy. Stalingrad maidany 21-armiiasynyŋ 293-şı atqyştar diviziiasynyŋ 1034-şı atqyştar polkınde soǧysqan. 1942 jyldyŋ 19 qaraşasynda şaiqas barysynda ıs-tüssız joǧalyp ketıp, keiınnen auyr jaralanyp, ūrys dalasynda qalǧany anyqtaldy.   Osylaişa Tölegenov Äset auruhanadan şaqqannan keiın taǧy da maidan dalasyna qaimyqpai qadam basty. Soǧystan keiın tuǧan jerınde ūzaq jyldar mūǧalım bolyp qyzmet etıp, zeinetke şyqty. Halyq aǧartu ısınıŋ üzdıgı atandy. Ol Batys Qazaqstan oblysy Qaratöbe audanynyŋ qūrmettı azamaty edı. Keiınnen Almatyǧa köşıp kelıp, ūzaq jyldar boiy bas qalada tūraqtandy. Bügıngı künı marqūmnyŋ ūrpaqtary, otbasy Almaty qalasynda bedeldı mekemelerde qyzmet etedı. Mäŋgılık saparǧa attanǧan Tölegenov Äsettıŋ otbasyna, tuǧan-tuystaryna «Adyrna» bırlestıgı ūjymynyŋ atynan qaiǧyryp köŋıl aitamyz. Jatqan jerı jaryq, topyraǧy torqa bolsyn! Artta qalǧan otbasyna bereke-bırlık, yrys-nesıbe tıleimız!    

«Adyrna» ūlttyq portaly