قازاقستان مۇسىلماندارى ءدىني باسقارماسى 81,3 مىڭ وتباسىعا قۇرباندىققا شالىنعان مالدىڭ ەتىن ۇلەستىردى، دەپ حابارلايدى ادىرنا قازاقپاراتقا جاساپ.
قازاقستان مۇسىلماندارى ءدىني باسقارماسى قوعام الدىنداعى قايىرىمدىلىق قىزمەتىن جانداندىرا ءتۇسۋ ماقساتىندا جانە ەلىمىزدەگى ەپيدەميولوگيالىق جاعداي كەزىندە مۇسىلماندىق مىندەتتى كەدەرگىسىز اتقارۋعا وڭتايلى ۇسىنىس رەتىندە qurban2020.kz جوباسىن ىسكە قوستى. سانيتارلىق تالاپتاردى ساقتاي وتىرىپ، وسى جوبانى جوعارى دەڭگەيدە جۇزەگە اسىرۋ ءۇشىن ءار ايماقتا جۇمىس توبى قۇرىلدى. قمدب وكىلدىگى جانىنان قۇرىلعان جۇمىس توبى تاۋلىك بويى قىزمەت ەتتى. وسى جوباعا ءدىن قىزمەتكەرلەرىمەن قوسقاندا 3 924 ەرىكتى، 872 كولىك جۇمىلدىرىلدى.
ەلىمىزدە بەلگىلەنگەن 35 ستاتسيونارلىق قاساپحانادا 394 قاساپشى جۇمىس ىستەدى. ال ءار وڭىردەگى ورتالىقتاندىرىلعان جۇمىس توبىندا 447 ادام قىزمەت ەتتى. رەسپۋبليكا بويىنشا 25 سall-ورتالىق qurban2020 جوباسى بويىنشا ءتيىستى كەڭەس پەن اقپارات بەرۋمەن اينالىستى. يگى ىسكە ۇلەس قوسقان ەرىكتىلەر مەن مەشىت جاماعاتىنىڭ بەلسەندى جۇمىسىنىڭ ناتيجەسىندە 81 301 مۇقتاج وتباسىعا قۇرباندىق ەتى جەتىكىزىلدى. جەر-جەردەگى قارتتار، جەتىمدەر، بالالار ۇيلەرى مەن اۋرۋحانالاردا دا قايىرىمدىلىق شارالارى وتكىزىلدى. ايتا كەتسەك، قمدب-نىڭ ايماقتاعى وكىلدەرى ايتتىڭ ءبىرىنشى كۇنىندە (31 شىلدە) كومەككە ءزارۋ 30 715 وتباسىعا قۇرباندىق ەتىن ۇلەستىردى. ال ايتتىڭ ەكىنشى كۇنىندە (1 تامىز) 27 741 جانۇيا مەرەكەلىك قۋانىشقا بولەندى.
قۇربان ايتتىڭ ءۇشىنشى كۇنىندە (2 تامىز) 22 845 وتباسىعا ەت تاراتىلدى. جالپى العاندا، ياعني بارلىق وبلىستى قامتىعاندا قۇربان ايتتىڭ ءۇش كۇنىندە 81 301 جانۇياعا ەت جەتكىزىلدى.
“ادىرنا” ۇلتتىق پورتالى
