الماتى مەملەكەتتىك باس سانيتارلىق دارىگەرى جانداربەك بەكشين كوروناۆيرۋستىق ينفەكتسيانىڭ تارالۋىنىڭ الدىن الۋ ءۇشىن ەنگىزىلگەن قوسىمشا شەكتەۋ شارالارى تۋرالى ايتتى، دەپ حابارلايدى “ادىرنا” قازاقپاراتقا سىلتەمە جاساپ.
«3 تامىزدان باستاپ الماتىدا تۇنگى 00:00 دەن باستاپ COVID-19 تارالۋىنىڭ الدىن الۋ ءۇشىن قوسىمشا شەكتەۋ شارالارى ەنگىزىلەدى. بۇل شەكتەۋلەر پتر تالداۋى وڭ ناتيجە كورسەتكەن سيمپتومسىز ناۋقاستارعا قاتىستى بولماق»، - دەدى اكىمدىكتەن.
باس سانيتارلىق دارىگەردىڭ ايتۋىنشا، ازاماتتاردىڭ كوپشىلىگى ءۇي كارانتينى تالاپتارىن بۇزادى.
«ۆيرۋستى تاسىمالداپ جۇرگەن سيمپتومسىز ادامدار وتە قاۋىپتى. گەپاتيت ا ۆيرۋس دا جاقسى بىلەمىز. سيمپتومسىز ناۋقاس 20 ادامعا دەيىن جۇقتىرا الادى. بۇل كوپ جاعدايدا تۋعان-تۋىس، كورشى-قولاڭعا ينفەكتسيانىڭ تارالۋىنا اكەلەدى. سول ءۇشىن وسى شەكتەۋدى ەنگىزۋگە تۋرا كەلدى»، - دەدى ج.بەكشين.
سونىمەن قاتار، بۇل زاڭبۇزۋشىلىقتار ءۇشىن ازاماتتارعا اكىمشىلىك جاۋاپكەرشىلىك قاراستىرىلعان.
قالا تۇرعىندارىنا تونگەن قاۋىپتى سەيىلتۋ ءۇشىن پتر تالداۋى وڭ، سيمپتومسىز ناۋقاستاردىڭ ءجۇرىس تۇرىسى قاداعالاناتىن بولادى.
ەگەر ادام وقشاۋلانۋعا مۇمكىندىگى بولماسا +7 (727) 300-05-05, +7 (727) 300-01-03 نومىرلەرىنە حابارلاسىپ، كارانتين ستاتسيونارىنا ورنالاسا الادى. بۇل مەملەكەت قارجىسىنان تولەنەدى.
“ادىرنا” ۇلتتىق پورتالى
