جۇگىرۋ – ادام دەنساۋلىعىنا پايدالى، دەنەنى شىنىقتىرىپ, مەتابوليزمدى رەتتەيتىن, توزىمدىلىككە بيىمدەپ، جۇرەكتءى جاقسارتاتىن جەڭىل سپورتتىڭ ءتۇرى. ارنايى جاتتىعۋ زالى مەن ترەناجەرلەردى قاجەت ەتپەيتىن بۇل سپورتقا قىزىعىپ، ۇزاق قاشىقتىققا جۇگىرەتىن مارافونشىلار جىل سايىن كوبەيىپ كەلەدى.ءتىپتى، «ترەندكە» اينالعانداي. كاسىبي مارافونشىلاردى قاراپايىم جاندار اراسىنداعى بۇل تەندەنتسيا الاڭداتىپ تا كەلەدى.ولاردىڭ ءۋاجى – بءىر قاراعاندا، وتە جەڭىل سپورت كورىنگەنمەن، جۇگىرۋدىڭ دە بولماشى قاعيدالارىن ساقتاماۋدان دەنساۋلىققا وراسان زور زيان كەلۋى مۇمكىن. سوندىقتان جۇگىرۋگە دە اسقان ىجداحاتپەن قاراپ، جاقسى ناتيجە كورسەتۋ ءۇشىن كەيبىر قاعيدالاردى قاپەردە ۇستاعان ءجون.
ەگەر ءسىز ۇزاق قاشىقتىقتى باعىندىرىپ, مارافوننىڭ مەدالىنە قول جەتكىزگىڭىز كەلسە، مىنا كەڭەستەردى جادىڭىزدا ساقتاڭىز:
دۇرىس تاماقتانىڭىز. ەگەر اۋزىڭىزدى تىيماساڭىز، ارتىق سالماق جيناپ، سونىڭ سالدارىنان اياعىڭىزعا كوپ كۇش ءتۇسءىپ، تابانىڭىزدى زاقىمدايسىز، سوڭى ارتروزعا ۇلاسادى. جۇگىرۋدى باستاماس بۇرىن سالماڭىعىز بەن بويىڭىزدىڭ سايكەستىگىن تەكسەرىپ الىڭىز. ارتىق سالماقتى سەزىنسەزىڭىز، تەزىرەك ارىلۋعا تىرىسىڭىز. كۇنىنە از-ازدان ءجيى تاماقتانىپ تۇرىڭىز. سالماقپەن ايتارلىقتاي پروبلەماڭىز بولسا، مامان كەڭەسىنە جۇگىنگەنىڭىز ءجون. سونداي-اق جۇگىرەردەن بىرنەشە ساعات بۇرىن تاماقتانىڭىز. تاماق ابدەن قورىتىلۋى ءتيىس. قورىتىلماعان تاماق ءسىزدى ابدەن ابىگەرگە سالىپ، قوزعالىسىڭىزدى قيىنداتادى.
بۇلشىق ەتتەرىڭىزدى دايىنداڭىز. دەنەڭىزگە كۇش تۇسىرمەس بۇرىن ونى جاقسىلاپ قىزدىرىپ، دايىنداپ العانىڭىز ءجون. جۇگىرگەن ساتتە ءسىز تەك اياقپەن عانا جۇمىس ىستەپ قويماي، تۇتاس دەنەڭىزدى قوزعالتاتىنىڭىزدى ەستە ساقتاڭىز. بىرنەشە رەت وتىرىپ-تۇرىڭىز، اياقپەن كوبىرەك جاتتىعۋ جاساڭىز، سەكىرىڭىز، پلانكاعا تۇرىڭىز، وتجيمانيا جاساڭىز. فيزيكالىق جاتتىعۋلاردى كوبىرەك ورىنداپ, اياقتان باسقا، بەل، قول، ارقاڭىزدىڭ دا جۇمىسىن جاقسارتىپ الىڭىز.
باياۋ جۇگىرىڭىز. «ءالىن بىلمەگەن – الەك» دەمەكشى، اۋەلى قاشىقتىقتى كوزدەپ، وعان جەتكەنشەشارشاپ قالماۋدىڭ قامىن جاساڭىز. جۇگىرۋدى باستاعان العاشقى 2-3 ايدا جىلدامدىقتى قوسپاي، باياۋ جۇگىرگەنىڭىز ابزال. سەبەبى، ءسىزدىڭ جۇرەك-قانتامىر جۇيەڭىز، تىرەك-قيمىل اپپاراتىڭىز بىردەن اۋىر قوزعالىستى قابىلداي المايدى. تىنىسىڭىزدىڭ دۇرىستىعىن باقىلاڭىز. ەگەر ەنتىگىپ، دەمالىسىڭىز قيىنداسا، دەرەۋ جىلدامدىقتى باسەڭدەتىڭىز.
اياق كيىمدى دۇرىس تاڭداڭىز. جۇگىرۋگە ارنالعان اياق كيىم الىڭىز. باسقا سپورت تۇرىنە ارنالعان نەمەسە بەلگىلى برەندتىڭ كوشىرمە ۇلگىسىسىزگە ىڭعايسىزدىق تۋدىرۋى ابدەن مۇمكىن. سول سەبەپتەن اياق كيىمگە اسقان كىرپيازدىقپەن قاراڭىز. اياق كيىىمىڭىز ءسىزدىڭ تابانىڭىزعا سايكەس كەلۋى كەرەك. جۇگىرگەن ساتتە اياق ءىسىپ، تىرناقتار تىرەلىپقاپ، باتاتىنى بار, سول سەبەپتى جارتى ولشەمگە ۇلكەنىن العانىڭىز ءجون.
ەڭ باستىسى – ەشقاشان تولىق دايىن بولماي, مارافونعا قاتىسپاڭىز. ءوزىڭىزدى اينالاعا باتىر قىپ كورسەتۋدىڭ ەش كەرەگى جوق. سەبەپ – مارافون بولماشى قاتەلىكتەردى كەشىرمەيدى.
ايجان قۇرمانباي،
«ادىرنا» ۇلتتىق پورتالى
