فەمينيزم دەگەن نە؟
ايەلدەردىڭ ساياسي، ەكونوميكالىق، الەۋمەتتىك قۇقىقتارىن كەڭەيتۋگە باعىتتالعان يدەولوگيالار. فەمينيزمنىڭ باستى يدەياسى – قوعامنىڭ بارلىق سالاسىندا ايەلدەرگە ەركەكتەرمەن تەڭ مۇمكىنشىلىكتەردى ورناتۋ.
بىزدىڭ ەلىمىزدە دە سوڭعى جىلدارى فەمينيستەردىڭ سانى ارتىپ، اشىق ميتينگىلەرگە دە شىعىپ جاتىر. عاسىرلار بويى ءوزىن ەرىنەن ءبىر ساتى تومەن ساناعان قازاق حالقى ءۇشىن فەمينيزم كەرەك پە؟ فەمينيزمدى كىم قالاي تۇسىنەدى؟
وسىعان دەيىن بايان ماقساتقىزى ايەلدەر قۇقىعىن قورعايتىن ورتالىق اشقىسى كەلەتىندىگىن ايتقان بولاتىن. سەبەبى ول كىسى دە تۇرمىستىق زورلىق-زومبىلىقتىڭ قۇربانى بولعاندىقتان وسى ماسەلەگە ءجىتى دەن سالىپ ارالاسقىسى كەلەتىندىگىن ايتقان. ودان باسقا تۇرمىستىق زورلىق-زومبىلىققا ءتوزىپ وتىرعاندارى مەن كوز جۇمعاندارى قانشا ما؟
بۇل تۋرالى كىم نە دەيدى؟
الپىسباەۆا ورىنتاي. كوپبالالى انا.
كىمدى كۇيەۋى ۇرمادى دەيسىڭدەر. ءبارىمىزدى ۇرمادى ەمەس ۇردى عوي. شايتاننىڭ سۋىنا تويىپ الىپ كەلگەندە ارتىق سويلەپ قالسام قول كوتەرەتىن. ايتپەسە، اتالارىڭ ولاي كوكالا قويداي ساباماپتى. ول كىسى ولاي كوپ ىشپەيدى. ساۋ كەزىندە جولداسىمنان اسقان جاقسى ادام جوق. وسىنداي جاقسى ادامدى قيىپ ءبىر-ەكى رەت قول كوتەرگەنگە بولا كەتىپ قالمادىم. ول كەزدە زامان قازىرگىدەي ەمەس ەدى. بىراق قازىر جاعداي تىم قورقىنىشتى. ايەلىن قويماي بالا-شاعاسىمەن بىرگە ورتەپ جىبەرىپ جاتقاندار دا بار ەكەن. قۇداي ساقتاسىن. مۇنداي ەسۋاستارمەن كادىمگىدەي كۇرەسۋ كەرەك.
ساۋلە جاقسىلىققىزى. پسيحولوگ
ماعان كومەك سۇراپ كۇيەۋىنەن تۇرمىستىق زورلىق-زومبىلىق كورگەن ايەلدەر مەن ازعىنداردىڭ قۇربانىنا اينالعان قىزدار قاۋىمى كوپ كەلەدى. وسىنىڭ ءبارىن كورە تۇرا فەمينيزمدى قالاي قولدامايسىڭ. امال جوق. ءۇيتىپ قورلىق كورىپ وتىراتىن شاما جوق. كومەك سۇراپ كەلگەندەردىڭ كوبى پسيحولوگيالىق تۇرعىدان وتە ناشار حالدە بولادى. كەيدە شىداي الماي وزدەرىن تاستاپ قول جۇمسايتىندارى دا بار. قولىمنان كەلگەنشە كومەگىمدى ايامايمىن. كۇيەۋىنەن ءزابىر كورگەندەر جاڭا ءومىر باستاۋعا يكەمدەۋ وڭايىراق. ال ازعىنداردىڭ ازىعىنا اينالىپ، جاستايىنان تاعدىر تالكەگىنە ۇشىراعان قىزدار قاۋىمىنا كومەك كورسەتىپ، بۇنىڭ وتكىنشى ەكەنىن ءتۇسىندىرۋ قيىنىراق. سول سەبەپتى ەركەكتەرمەن بىردەي بولىپ يىق تىرەسپەسەك تە, امان-ەسەن جۇرە الاتىنداي بولساق ەكەن.
تالعات امانجولوۆ. مۇعالىم
فەمينيزم ورناسىن. مەن قارسى ەمەسپىن. ايەلدەر مەن ەركەكتەردىڭ قۇقىقتارى تەڭ بولسىن. ەركەكتەر دە ايەلدەر سياقتى ەرتەرەك زەينەتاقى السىن. جاقسى ەمەس پە؟! مەن قولدايمىن. بىراق ايەلدەر ءۇشىن قورقامىن. ەركەكتەرمەن قۇقىعىمىز تەڭ بولسىن دەپ جۇرگەندە بار مۇمكىندىكتەرىڭىزدەن ايىرىلىپ قالاسىزدار ما دەپ. قىز بالانى و باستان سىيلاپ ۇيرەنگەن ەدىك. فەمينيز ورناسا وسىنداي سىيلاستىقتىڭ ءيىسىن دە سەزبەي قالۋلارىڭىز مۇمكىن عوي. مەن تاڭ قالامىن,سوندا ايەلدەر قاۋىمى ەركەكتەردىڭ جۇمىسىن ىستەۋگە دايىن با ەكەن؟
اقبوتا نۇرعالي. ستۋدەنت.
ەلىمىزدە فەمينيزمنىڭ ورنامايتىنىن بىلسەم دە، ورناعانىن قاتتى قالايمىن. ءيا، مەن فەمينيستكامىن. ايەلدەردىڭ قۇقىعى ەركەكتەرمەن تەڭ بولعانىن قالايمىن. جىلدار سايىن سانى ارتىپ جاتقان قىز زورلاۋ مەن تۇرمىستىق زورلىق-زومبىلىقتىڭ سانى ازايسا ەكەن. ءوز ەلىمدە ەمىن ەركىن ەشكىمنەن قورىقپاي ءومىر سۇرگىم كەلەدى. ءبىر كۇنى ايتەۋىر ءبارى وڭالار.
اينۇر سىرىمقىزى. مەدبيكە
فەمينيزم ءبىزدىڭ قوعامعا جات. بىراق سونىڭ ىشىندە قولدايتىن تۇستارىم بار. قانشا ارىستاندى ايعا اپارساڭ دا ەركەكتەرمەن بىردەي بولا المايسىڭ. ول انىق. ال ەركەكتەردەن ءزابىر كورىپ وترىعان ايەلدەردىڭ قۇقىقتارىن قورعاپ,الدىن الۋ ماقساتىندا ءبىرتالاي جۇمىستاردى اتقارۋ كەرەك. جازىقسىزدان جازىقسىز جاستايىنان تاعدىرىنا بالتا شابىلىپ جاتقان قىزدار قانشا ما؟ وندايعا جول بەرمەۋ كەرەك. فەمينيزمنىڭ وسى تۇسى بىزگە كەرەك.
لاۋرا تۇرسىنجان، “ادىرنا” ۇلتتىق پورتالى
