ءبىز بۇل بالالار ۇيىندە ءۇش جاسىمىزدان باستاپ تاربيەلەنىپ كەلە جاتىرمىز. الايدا، ىستىق ۇيامىز قىركۇيەك ايىندا جابىلادى دەگەن حابار بار.
الداعى ۋاقىتتاعى ءبىزدىڭ تاعدىرىمىز نە بولماق؟ بارلىعىمىز كىشكەنتاي كەزىمىزدەن ءبىر شاڭىراق استىندا تاربيەلەندىك. الداعى ۋاقىتتا جان-جاققا تاراپ، ءبىر-بىرىمىزدەن اجىراپ كەتكىمىز كەلمەيدى. بۇرىنعى باسشىلار وقۋعا تۇسكەننەن كەيىن الەۋمەتتىك ومىرگە دايىندايتىن. ال ءبىز ءدال قازىرگى ساتتە ءوز بەتىمىزشە ءومىر ءسۇرىپ كەتۋگە قاۋقارلى ەمەسپىز. جارعى بويىنشا 18 جاسقا تولعان جەتىم بالالاردى جاستار ۇيىنە جىبەرەدى. سوڭعى ءۇش جىلدا ديرەكتورىمىز بالالاردىڭ جاعدايىنا قاراماي، وقۋعا تۇسە سالىسىمەن ولاردى وسى ۇيگە جىبەرىپ وتىر. 2018 جىلى ون التى جاسىنان جاستار ۇيىنە كەتكەن بالالار كوپ قيىنشىلىق كوردى. ءبىز دە الەۋمەتتىك ومىرگە ءالى دايىن ەمەسپىز.
وسى ۋاقىتقا دەيىن قانشاما جەرگە حات جىبەردىك، الايدا بىرەۋىنەن دە جاۋاپ كەلمەدى. سوندا جەتىم بالالاردىڭ قۇقىعىن كىم قورعايدى؟
قۇرمەتتى پرەزيدەنت مىرزا! سىزدەن الماتى قالاسىنداعى №1 بالالار ءۇيىنىڭ جابىلماۋ شاراسىنا اتسالىسۋىڭىزدى، ءارى ونى ءوز باقىلاۋىڭىزعا الۋىڭىزدى سۇرايمىز! قازىرگى تاڭدا تاربيەلەنۋشىلەر سانى بىزدەن دە از بالالار ءۇيى جۇمىس جاساپ جاتىر. ءۇيىمىزدى جاپپاڭىزشى، ءوتىنىش...
№1 بالالار ءۇيىنىڭ تاربيەلەنۋشىلەرى
https://www.youtube.com/watch?v=EEJ1bMPWIFo&feature=youtu.be
