ءۇش جىلدان بەرى جابىق تۇرعان كەسەنە كۇمبەزىن جاڭارتۋ جۇمىستارى اياقتالدى. كۇمبەزدىڭ تاريحي كەلبەتى ساقتالىپ، جەلدەتكىش قاباتتارى رەتكە كەلتىرىلدى. قازىر كۇمبەز ەتەگىندەگى سەگىز قىرمەن قوسىلعان جەرىندە گيدرووقشاۋلاۋ جۇمىستارى اياقتالۋعا جاقىن ەكەندىگىن “ادىرنا” تۇركىستان وبلىسى وڭىرلىك كوممۋنيكاتسيا قىزمەتىنە سىلتەمە جاساپ حابارلايدى.
كۇمبەزدى قايتا قالپىنا كەلتىرۋ جۇمىستارى وبلىس اكىمى ءو.شوكەەۆتىڭ ءجىتى قاداعالاۋىمەن مادەنيەت جانە سپورت مينيسترلىگىمەن بىرلەسە جۇرگىزىلۋدە.
«ازىرەت سۇلتان» مەملەكەتتىك تاريحي-مادەني قورىق-مۋزەيى اۋماعىنداعى تاريحي ورىنداردا قايتا قالپىنا كەلتىرۋ جۇمىستارى، ورتاعاسىرلىق كۇلتوبە قالاشىعى، حان ورداسى مەن مەشىتى ورنالاسقان ماگيسترالدى كوشە بويىندا ارحەولوگيالىق قازبا جۇمىستارى قارقىندى ءجۇرىپ جاتىر.
ال كۇلتوبە قالاشىعىنداعى قازبا جۇمىستارىنىڭ ناتيجەسى بويىنشا 2019 جىلى 5000-نان اسا ءبىزدىڭ ەرامىزعا دەيىنگى 1 عاسىردا جاسالعان ەجەلگى التىن بۇيىمدار تابىلعان.
بۇدان بولەك، قوجا احمەت ياساۋي كەسەنەسىنىڭ الدىندا تۋريستەر دەمالاتىن، قالىڭ باۋ-باقشالى سەلفي-ايماق جاساقتالادى. تاريحي نىساننىڭ «تاقيا قاقپاسى» ماڭىندا قازبا جۇمىستارى جۇرگىزىلىپ، تابىلعان جادىگەرلەر تۋريستەر كوز قۋانىشىنا اينالماق.
سونداي-اق، ب.ساتتارحانوۆ داڭعىلى اۋماعىندا ەتنواۋىل سالىنۋدا.
اتاپ وتەيىك، قوجا احمەت ياساۋي كەسەنەسىندە اتقارىلعان جۇمىستاردىڭ بارلىعى يۋنەسكو-مەن كەلىسە وتىرىپ جۇرگىزىلۋدە. كەسەنەدەگى قايتا قالپىنا كەلتىرۋ جۇمىستارىمەن قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى كۇمىس سەيىتوۆا دا كەلىپ تانىستى.
“ادىرنا” ۇلتتىق پورتالى
