ەلىمىزدەگى اۋىل ايماقتارداعى احۋالدى جاقسارتۋ ماقساتىندا، سونىڭ ىشىندە اۋىلداعى الەۋمەتتىك ماسەلەلەردى شەشۋ ءۇشىن «وڭىرلەردى دامىتۋ – 2020» بىرىڭعاي باعدارلاماسى قابىلدانعان ەدى. وسىدان التى جىل بۇرىن قابىلدانعان باعدارلاما اياسىندا كوپتەگەن جۇمىستار اتقارىلعانىنا ەل كۋا.
باعدارلاماعا «وڭىرلەردى دامىتۋ»، «مونوقالالاردى دامىتۋ»، «اق بۇلاق»، «تۇرعىن ءۇي كوممۋنالدىق شارۋاشىلىعىن جاڭعىرتۋ»، «قولجەتىمدى تۇرعىن ءۇي – 2020» باعدارلامالارىنىڭ ەرەجەلەرى، سونداي-اق، شاعىن قالالاردى دامىتۋ باعدارلاماسىنىڭ جوباسى بىرىكتىرىلگەن. بۇگىن دە وسى باعىتتار بويىنشا جۇمىستار جالعاسىن تابۋدا.
مىسالى، «وڭىرلەردى دامىتۋ – 2020» باعدارلاماسى بويىنشا اۋىل تۇرعىندارىن اۋىز سۋمەن قامتاماسىز ەتۋ ءساتتى جۇزەگە اسىرىلىپ جاتىر. جوسپار بويىنشا 2025 جىلعا دەيىن قالالار 100 پايىز، ەلدى مەكەندەر 80 پايىزعا اۋىز سۋمەن قامتىلادى دەپ كۇتىلۋدە. بۇعان دەيىن ەلباسى اۋىلداردى اۋىز سۋمەن قامتۋ قارجىسىن جىل سايىن 100 ملرد تەڭگەگە ارتتىرۋدى تاپسىرعانى ەسىمىزدە. بۇل تاپسىرما ءوز دەڭگەيىندە جۇزەگە اسىرىلىپ كەلەدى. بيىل اۋىل تۇرعىندارىنىڭ 87 پايىزىن اۋىز سۋمەن قامتاماسىز ەتۋ جوسپارلانۋدا. مەملەكەت بۇل جوباعا بيۋدجەتتەن 111,5 ملرد. تەڭگە ءبولدى.
حالىقتى ساپالى اۋىز سۋمەن جانە سۋ بۇرۋ قىزمەتتەرىمەن قامتاماسىز ەتۋ جونىندەگى جۇمىستاردى جالعاستىرۋ ماقساتىندا 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى شەڭبەرىندە بيىل رەسپۋبليكالىق بيۋدجەتتەن 111,5 ملرد. تەڭگە قاراستىرىلىپ وتىر.
بۇل قاراجات بويىنشا 316 جوبا ىسكە اسىرىلادى. ناتيجەسىندە قالالاردا حالىقتى اۋىز سۋمەن قامتاماسىز ەتۋ كورسەتكىشى 97,5 پايىزعا ارتىپ، كورسەتكىش ءجۇز پايىزدىق مەجەگە دەيىن جەتكىزىلەدى دەپ كۇتىلۋدە. بۇل دەگەنىڭىز جۇزدەگەن ميلليون تۇرعىندى تازا اۋىز سۋمەن قامتاماسىز ەتۋدىڭ كورسەتكىشى سانالادى.
ال اۋىلدىق ايماقتاردا بۇل كورسەتكىش 87,7 پايىزعا جەتىپ، 6,84 ملن. ادامدى قامتيدى. سونداي-اق، قالالاردا اعىندى سۋلاردى تازارتۋمەن قامتۋ 74,9 پايىزدى قۇرايدى.
وتكەن جىلى بۇل باعىتتا 404 جوبا جۇزەگە اسىرىلىپ، 4078 اۋىل سۋمەن قامتىلدى. قازىرگى ۋاقىتتا ەل بويىنشا اۋىز سۋعا قولجەتىمدىلىك كورسەتكىشى - 92,6 پايىزدىق ۇلەستە.
«سۋرەسۋرستارى ماركەتينگ» ءجشسنىڭ رەسمي اقپاراتىندا سۋمەن جابدىقتاۋ ماسەلەسى بويىنشا ماڭىزدى اقپارات جاريالاندى.
«گاج سۋمەن جابدىقتاۋ قىزمەتىندە سوڭعى ەكى جىل ىشىندە «سۋ رەسۋرستارى-ماركەتينگ» جشس-ءى گەوگرافيالىق اقپاراتتىق جۇيەمەن (گاج) تىعىز جۇمىس جاسايدى. مۇنىمەن «KelesTech» جشس-ءى اينالىسادى، ونىڭ قۇرامىنا ەكى ينجەنەر-گيدراۆليك جانە ەكى مامان كىرەدى، پروتسەستى نۇرسۇلتان راحمانبەكوۆ باسقارادى.
«ەكى جىل ىشىندە ءبىز اۋقىمدى جۇمىس جاسادىق. وعان قازىرگى گاج مالىمەتتەر بازاسىن جاڭارتۋ عانا ەمەس، سونىمەن قاتار جاڭا گيدراۆليكالىق مودەلدى قۇرۋ دا كىرەدى. ءار قادام قالانى سۋمەن جابدىقتاۋ ساپاسىن جاقسارتۋعا جاڭا مۇمكىندىكتەر اشادى. ماسەلەن، قۇراستىرىلعان جانە كاليبرلەنگەن گيدراۆليكالىق مودەلدىڭ كومەگىمەن ارتىق قىسىم نەمەسە، كەرىسىنشە، تومەن قىسىمى بار پروبلەمالىق ۋچاسكەلەردى، سونداي-اق ماگيسترالدىق قۇبىرلاردىڭ ۇلكەن جۇك كوتەرەتىن ۋچاسكەلەرىن كورۋگە مۇمكىندىك تۋدى»، - دەدى ن.راحمانبەكوۆ. ينجەنەر-گيدراۆليكتەر سۋمەن جابدىقتاۋ ساپاسىن جاقسارتۋ مەن دامىتۋدىڭ ءتۇرلى جولدارىن ۇسىندى، ولاردى «سۋ رەسۋرستارى-ماركەتينگ» جشس-ڭ باسشىلىعى بىردەن پايدالاندى.
كاسىپورىننىڭ تاجىريبەسىنە كوپتەگەن ۇسىنىستار ەنگىزىلدى. ناتيجەسىندە ورتالىق ديسپەتچەرلىك قىزمەتكە سۋدى دۇرىس جەتكىزبەۋ جانە اپاتقا بايلانىستى كۇندەلىكتى وتىنىشتەر سانى ايتارلىقتاي ازايدى. گيدراۆليكالىق مودەلدى جەتىلدىرۋ جۇمىستارى جالعاسۋدا، ورتالىق ديسپەتچەرلىك قىزمەتكە بەرىلگەن ءاربىر ءوتىنىمدى مىندەتتى تۇردە ينجەنەر-گيدراۆليك وڭدەيدى. سونىمەن قاتار، تۋىنداعان پروبلەمالاردى جويۋ جانە قىزمەت كورسەتۋ ساپاسىن جاقسارتۋ ءۇشىن ءتۇرلى جولدار ۇسىنىلادى».
دەمەك، الداعى ۋاقىتتا گيدراۆليكالىق مودەلدەر قۇرىلىپ، ناتيجەسىندە سۋمەن جابدىقتاۋدىڭ، تۇتىناتىن سۋدىڭ ساپاسىن جاقسارتۋعا كەڭ جول اشىلادى. بۇل جاڭالىق ءوز تاراپىنان قالا حالقىن زور قۋانىشقا بولەۋدە. كۇندەلىكتى تۇرمىستا قولدانىلاتىن اۋىز سۋدىڭ ساپاسى ءاربىرىمىز ءۇشىن اساماڭىزدى ەكەنىن ەسكەرسەك، «سۋ رەسۋرستارى ماركەتينگ» ءجشسنىڭ قولعا العان جاڭا باستاماسى قۇپتارلىق دەۋگە بولادى.
«ادىرنا» ۇلتتىق پورتالى.
