Elimizdegi aýyl aımaqtardaǵy ahýaldy jaqsartý maqsatynda, sonyń ishinde aýyldaǵy áleýmettik máselelerdi sheshý úshin «Óńirlerdi damytý – 2020» biryńǵaı baǵdarlamasy qabyldanǵan edi. Osydan alty jyl buryn qabyldanǵan baǵdarlama aıasynda kóptegen jumystar atqarylǵanyna el kýá.
Baǵdarlamaǵa «Óńirlerdi damytý», «Monoqalalardy damytý», «Aq bulaq», «Turǵyn úı kommýnaldyq sharýashylyǵyn jańǵyrtý», «Qoljetimdi turǵyn úı – 2020» baǵdarlamalarynyń erejeleri, sondaı-aq, shaǵyn qalalardy damytý baǵdarlamasynyń jobasy biriktirilgen. Búgin de osy baǵyttar boıynsha jumystar jalǵasyn tabýda.
Mysaly, «Óńirlerdi damytý – 2020» baǵdarlamasy boıynsha aýyl turǵyndaryn aýyz sýmen qamtamasyz etý sátti júzege asyrylyp jatyr. Jospar boıynsha 2025 jylǵa deıin qalalar 100 paıyz, eldi mekender 80 paıyzǵa aýyz sýmen qamtylady dep kútilýde. Buǵan deıin Elbasy aýyldardy aýyz sýmen qamtý qarjysyn jyl saıyn 100 mlrd teńgege arttyrýdy tapsyrǵany esimizde. Bul tapsyrma óz deńgeıinde júzege asyrylyp keledi. Bıyl aýyl turǵyndarynyń 87 paıyzyn aýyz sýmen qamtamasyz etý josparlanýda. Memleket bul jobaǵa bıýdjetten 111,5 mlrd. teńge bóldi.
Halyqty sapaly aýyz sýmen jáne sý burý qyzmetterimen qamtamasyz etý jónindegi jumystardy jalǵastyrý maqsatynda 2020-2025 jyldarǵa arnalǵan «Nurly jer» memlekettik baǵdarlamasy sheńberinde bıyl respýblıkalyq bıýdjetten 111,5 mlrd. teńge qarastyrylyp otyr.
Bul qarajat boıynsha 316 joba iske asyrylady. Nátıjesinde qalalarda halyqty aýyz sýmen qamtamasyz etý kórsetkishi 97,5 paıyzǵa artyp, kórsetkish júz paıyzdyq mejege deıin jetkiziledi dep kútilýde. Bul degenińiz júzdegen mıllıon turǵyndy taza aýyz sýmen qamtamasyz etýdiń kórsetkishi sanalady.
Al aýyldyq aımaqtarda bul kórsetkish 87,7 paıyzǵa jetip, 6,84 mln. adamdy qamtıdy. Sondaı-aq, qalalarda aǵyndy sýlardy tazartýmen qamtý 74,9 paıyzdy quraıdy.
Ótken jyly bul baǵytta 404 joba júzege asyrylyp, 4078 aýyl sýmen qamtyldy. Qazirgi ýaqytta el boıynsha aýyz sýǵa qoljetimdilik kórsetkishi - 92,6 paıyzdyq úleste.
«Sýresýrstary marketıng» JShSniń resmı aqparatynda sýmen jabdyqtaý máselesi boıynsha mańyzdy aqparat jarııalandy.
«GAJ sýmen jabdyqtaý qyzmetinde Sońǵy eki jyl ishinde «Sý resýrstary-Marketıng» JShS-i geografııalyq aqparattyq júıemen (GAJ) tyǵyz jumys jasaıdy. Munymen «KelesTech» JShS-i aınalysady, onyń quramyna eki ınjener-gıdravlık jáne eki maman kiredi, proesti Nursultan Rahmanbekov basqarady.
«Eki jyl ishinde biz aýqymdy jumys jasadyq. Oǵan qazirgi GAJ málimetter bazasyn jańartý ǵana emes, sonymen qatar jańa gıdravlıkalyq modeldi qurý da kiredi. Ár qadam qalany sýmen jabdyqtaý sapasyn jaqsartýǵa jańa múmkindikter ashady. Máselen, qurastyrylǵan jáne kalıbrlengen gıdravlıkalyq modeldiń kómegimen artyq qysym nemese, kerisinshe, tómen qysymy bar problemalyq ýchaskelerdi, sondaı-aq magıstraldyq qubyrlardyń úlken júk kóteretin ýchaskelerin kórýge múmkindik týdy», - dedi N.Rahmanbekov. Injener-gıdravlıkter sýmen jabdyqtaý sapasyn jaqsartý men damytýdyń túrli joldaryn usyndy, olardy «Sý resýrstary-Marketıng» JShS-ń basshylyǵy birden paıdalandy.
Kásiporynnyń tájirıbesine kóptegen usynystar engizildi. Nátıjesinde ortalyq dıspetcherlik qyzmetke sýdy durys jetkizbeý jáne apatqa baılanysty kúndelikti ótinishter sany aıtarlyqtaı azaıdy. Gıdravlıkalyq modeldi jetildirý jumystary jalǵasýda, ortalyq dıspetcherlik qyzmetke berilgen árbir ótinimdi mindetti túrde ınjener-gıdravlık óńdeıdi. Sonymen qatar, týyndaǵan problemalardy joıý jáne qyzmet kórsetý sapasyn jaqsartý úshin túrli joldar usynylady».
Demek, aldaǵy ýaqytta gıdravlıkalyq modelder qurylyp, nátıjesinde sýmen jabdyqtaýdyń, tutynatyn sýdyń sapasyn jaqsartýǵa keń jol ashylady. Bul jańalyq óz tarapynan qala halqyn zor qýanyshqa bóleýde. Kúndelikti turmysta qoldanylatyn aýyz sýdyń sapasy árbirimiz úshin asamańyzdy ekenin eskersek, «Sý resýrstary marketıng» JShSniń qolǵa alǵan jańa bastamasy quptarlyq deýge bolady.
«Adyrna» ulttyq portaly.
