ۇلتتىق مۋزىكالىق تانىمدىق تەلەباعدارلاما ەفيرگە شىعادى

397

26 شىلدەدەن باستاپ ءداستۇرلى مۋزىكا مەن ونىڭ تاريحىنان سىر شەرتەتىن «كۇمىس كومەي» ۇلتتىق مۋزىكالىق تانىمدىق باعدارلاماسى ەفيرگە شىعادى. جاڭا تەلەجوبانى «Qazaqstan» ۇلتتىق تەلەارناسى ۇسىنادى.

ۇلتتىق مۋزىكانى دارىپتەۋ ماقساتىندا قولعا الىنعان جوباعا س. جانپەيىسوۆا، ت. نۇركەنوۆ، ە. شۇكىمان، م. مىقتىبەكوۆ، ە. قوسبارماقوۆ، ا. نوعايباەۆا، ە. رىسقالي، ت. كەنەنقىزى، و. قۇلسىماق، ا. وتەشوۆ، گ. سارينا، پ. تۇراروۆا، ب. ءبابىجان سىندى ەلگە تانىمال ونەرپازدار قاتىسادى. قاتىسۋشىلار دومبىرا، قوبىز، سىبىزعى، سازسىرناي، سىرناي، جەتىگەن، ت.ب. اسپاپتاردىڭ سۇيەمەلدەۋىمەن حالىق اندەرى مەن كۇي-تەرمەلەر ورىنداپ، كارانتيندەگى شەكتەۋلەرگە بايلانىستى ۇلتتىق ونەردەن قول ءۇزىپ قالعان تالعامپاز كورەرمەندى اسەم اۋەندەرمەن سۋسىنداتادى.

سونداي-اق تەلەباعدارلامادا ۇلتتىق مۋزىكانىڭ باستاۋىندا تۇرعان حالىق كومپوزيتورلارى شىعارماشىلىعى مەن حالىق اندەرىنىڭ، ءداستۇرلى مۋزىكا مەكتەپتەرىنىڭ تاريحىنا ساياحات جاسالادى.

باعدارلاما جۇرگىزۋشىسى - قر ەڭبەك سىڭىرگەن قايراتكەرى، ءداستۇرلى ءانشى ايگۇل قوسانوۆا. جوبا «Qazaqstan» ۇلتتىق تەلەارناسىنان ءار جەكسەنبى 20:00-دە ەفيرگە شىعادى.

 

"ادىرنا" ۇلتتىق ارناسى

پىكىرلەر
رەداكتسيا تاڭداۋى