امەريكانىڭ پورتلاند قالاسىندا نارازىلىق بىلدىرۋشىلەر مەن فەدەرالدى اگەنتتەر اراسىندا 50 كۇننەن بەرى قاقتىعىستار توقتاماي، ءالى كۇنگە تارتىپسىزدىكتەر تىيىلماۋدا، - دەپ حابارلايدى «ادىرنا» ريا نوۆوستيگە سىلتەمە جاساپ.
فەدەرالدى اگەنتتەر سوت عيماراتىنىڭ جانىنداعى جۇزدەگەن دەمونسترانتتاردى تاراتۋ ءۇشىن تاعى دا گاز بەن شۋ گراناتالارىن قولدانعان. نارازىلىق بىلدىرۋشىلەردىڭ سوت عيماراتىنىڭ اينالاسىنداعى قورشاۋدى سىلكىپ، ودان ءتۇتىن مەن جاناتىن سناريادتار لاقتىرا باستاعاننان ولار وسىنداي ارەكەتتى قولدانا باستاعان.
الاڭدا جۇرگەن ونداعان ادام جوتەلىپ، كوزدەرى اشىپ قاشقان.
24 شىلدە كۇنى اقش سوتى فەدەرالدىق قۇقىق قورعاۋ ورگاندارىنىڭ قىزمەتكەرلەرىنە ورەگون شتاتىنىڭ پورتلاند قالاسىندا نارازىلىق بىلدىرۋشىلەردى تۇتقىنداۋعا تىيىم سالۋدان باس تارتادى.
ەستەرىڭىزعا سالا كەتسەك، پورتلاند پەن اقش-تىڭ باسقا دا بىرقاتار قالالارىندا ءبىر ايدان استام ۋاقىت بويى نارازىلىق اكتسيالارى ءوتىپ جاتىر. ميننەاپوليس قالاسىنداعى پوليتسەيلەر افروامەريكاندىق دجوردج فلويدتى ولتىرگەننەن كەيىن مۇنداي كوتەرىلىستەر ءورشىپ كەتكەن-ءدى.
اقش پرەزيدەنتى دونالد ترامپ ءتارتىپتىڭ ورناۋىنا قاجەتتى شارالاردى قابىلداماي وتىر دەپ شتات باسشىلارى مەن مۋنيتسيپاليتەتتەردىڭ ارەكەتتەرىنە نارازىلىعىن بىرنەشە رەت ءبىلدىردى. وسىعان بايلانىستى بىرقاتار قاقتىعىستاردا قالالارعا اسكەري جانە فەدەرالدىق پوليتسيا قىزمەتكەرلەرى ەنگىزىلگەن ەدى. ال بۇل اقش دەموكراتيالىق پارتياسىن جاقتاۋشى جەرگىلىكتى بيلىكتىڭ نارازىلىعىن تۋدىردى.
