Amerıkanyń Portland qalasynda narazylyq bildirýshiler men federaldy agentter arasynda 50 kúnnen beri qaqtyǵystar toqtamaı, áli kúnge tártipsizdikter tyıylmaýda, - dep habarlaıdy «Adyrna» RIA Novostıge silteme jasap.
Federaldy agentter sot ǵımaratynyń janyndaǵy júzdegen demonstranttardy taratý úshin taǵy da gaz ben shý granatalaryn qoldanǵan. Narazylyq bildirýshilerdiń sot ǵımaratynyń aınalasyndaǵy qorshaýdy silkip, odan tútin men janatyn snarıadtar laqtyra bastaǵannan olar osyndaı áreketti qoldana bastaǵan.
Alańda júrgen ondaǵan adam jótelip, kózderi ashyp qashqan.
24 shilde kúni AQSh soty federaldyq quqyq qorǵaý organdarynyń qyzmetkerlerine Oregon shtatynyń Portland qalasynda narazylyq bildirýshilerdi tutqyndaýǵa tyıym salýdan bas tartady.
Esterińizǵa sala ketsek, Portland pen AQSh-tyń basqa da birqatar qalalarynda bir aıdan astam ýaqyt boıy narazylyq akııalary ótip jatyr. Mınneapolıs qalasyndaǵy polıeıler afroamerıkandyq Djordj Floıdty óltirgennen keıin mundaı kóterilister órship ketken-di.
AQSh prezıdenti Donald Tramp tártiptiń ornaýyna qajetti sharalardy qabyldamaı otyr dep shtat basshylary men mýnııpalıtetterdiń áreketterine narazylyǵyn birneshe ret bildirdi. Osyǵan baılanysty birqatar qaqtyǵystarda qalalarǵa áskerı jáne federaldyq polıııa qyzmetkerleri engizilgen edi. Al bul AQSh Demokratııalyq partııasyn jaqtaýshy jergilikti bıliktiń narazylyǵyn týdyrdy.
