مەملەكەتتىك "تسيفرلى قازاقستان" باعدارلاماسى ءبىلىم بەرۋ سالاسىنداعى جەمقورلىقتىڭ الدىن الۋعا الەۋەتى جەتە مە؟

2424
Adyrna.kz Telegram

“Benediximus” كومپانياسىنىڭ edugarden.kz, zhambyltipo.kz, eduschool.kz پورتالدارى جايىندا

جەمقورلىق بەلەڭ العان ەلدە قاراپايىم مەكتەپكە ءوتىنىش بەرۋدىڭ ءوزى كوك قاعازبەن شەشىلىپ جاتقان جاعدايلار دا از ەمەس. وسى ماسەلەنى تۇبىمەن جويۋ ءۇشىن ءبىراز باستامالار قولعا الىندى. قازىرگى تاڭدا كوللەدجگە، مەكتەپكە، بالاباقشاعا قابىلداۋ بويىنشا ەلەكتروندى پورتالدار ىسكە قوسىلعان. ونىڭ ايقىن دالەلى رەتىندە “Benediximus” كومپانياسىنىڭ مىنا جوبالارىن اتاي الامىز:

كوللەدجگە قابىلداۋ - zhambyltipo.kz

مەكتەپكە قابىلداۋ - eduschool.kz

بالاباقشاعا قابىلداۋ - edugarden.kz

وسى جونىندە “ادىرنا” ۇلتتىق پورتالى مەملەكەتتىك قىزمەتتەردى اۆتوماتتاندىرۋمەن اينالىساتىن “Benediximus” كومپانياسىنىڭ ديرەكتورى ابدەشوۆ ابزالمەن سۇحبات جۇرگىزدى.

- ابزال مىرزا، مەملەكەتتىك قىزمەتتەردى اۆتوماتتاندىرۋدىڭ ارتىقشىلىقتارى قانداي؟

- تسيفرلاندىرۋ ءبىراز ماسەلەنى شەشىپ بەرەرى انىق. اتاپ ايتار بولساق، جەمقورلىقتىڭ الدىن الۋ. ماسەلەن، مەكتەپتەردە، بالاباقشالاردا ورىندى ساتىپ الۋ فاكتىلەرى كوپتەپ تىركەلگەن. ال پورتالداردا ءبارى اشىق تۇردە جۇرگىزىلەدى. ءبىلىم بەرۋ مەكەملەرىندەگى ورىندار بارلىعىنا بىردەي ۋاقىتتا جاريالانىپ، بىردەي قولجەتىمدى بولادى. اتا-انالار بولىنگەن ورىندار سانىن دا پورتالدان باقىلاپ وتىرا الادى.

- كومپانيا 2018 جىلدان بەرى تۇراقتى تۇردە جۇمىس جاسايدى. وسى ۋاقىت ارالىعىندا حالىقتىڭ تسيفرلىق ساۋاتتىلىعىن كوتەرۋ ماقساتىندا قانداي شارالار وتكىزدىڭىزدەر؟

- جۇمىستى العاش باستاعاندا تۇرعىندار اراسىندا حاوس بولدى دەسەم بولادى. حالىق تۇسىنبەدى، كەيدە قاراپايىم پوشتا ارقىلى پارول وزگەرتۋدى بىلمەيتىن ازاماتتار حابارلاساتىن. وسى كەمشىلىكتەردى ەسكەرە وتىرىپ، ءبىز ءاربىر مەكەمە قىزمەتكەرلەرىن جيناپ ارنايى وقىتۋ كۋرستارىن جۇرگىزدىك. 2 جىل بۇرىنعى ناتيجەگە قاراعاندا قازىر حالىقتىڭ تسيفرلىق ساۋاتتىلىعى 60%-عا كوتەرىلدى.

- ءسىزدىڭ كومپانياڭىز قۇراستىرعان پورتالدارداردىڭ باسقا جوبالاردان ارتىقشىلىعى قانداي؟

- ءبىزدىڭ ەلەكتروندى پورتالداردىڭ ارتشىلىعى دەپ مىنالاردى اتار ەدىم: اقپاراتتىڭ بارشاعا قولجەتىمدىلىگى، قولدانۋعا ىڭعايلىلىعى جانە پورتالدا اناليتيكالىق ەسەپتەردىڭ اشىقتىعى. ءبىر عانا edugarden.kz پورتالىنان مىسال كەلتىرە كەتەيىن. العاشىندا ايلىق تولەماقىنى مولشەردەن تىس الىپ جاتقان مەكەمەلەر دە كەزدەستى. ءبىز وسى ماسەلەلەردى ەسكەرە وتىرىپ، edugarden.kz پورتالىندا اكىمنىڭ قاۋلىسىمەن بەكىتىلگەن سومانى كوپشىلىككە قولجەتىمدى ەتىپ كورسەتىپ قويدىق. بۇل اتا-انالارعا بالاباقشا تاڭدار كەزدە ەسكەرىپ، سالىستىرىپ شەشىم قابىلداۋعا سەپتىگىن تيگىزدى. مۇندا كەزەك تە زاڭدى جولمەن جىلجىپ وتىرادى. ورىن اشىلعان كەزدە كەزەگى كەلگەن بالا عانا جولداما الا الادى. جانە ول جولدامانى ۋاقىتىندا (5 كۇن ىشىندە) وڭدەمەسە، كەزەگى دە جويىلادى. ول ءۇشىن كەزەكتەگى باسقا بالالار زارداپ شەكپەۋى كەرەك قوي؟ سونىمەن قاتار، ءاربىر 3 بالادان سوڭ ارنايى جەڭىلدىگى بار بالالار (مۇگەدەكتىگى بار بالا، اسكەري ازاماتتىڭ بالاسى، ت.ب.) كەزەككە ورنىمەن كىرىكتىرىلىپ وتىرادى. ودان بولەك، اتا-انالار پورتالدا بالالارىنىڭ كۇندەلىكتى اس ءمازىرىن دە قاراپ وتىرا الادى.

- ەندىگى كەزەكتە zhambyltipo.kz پورتالىنىڭ ەرەكشەلىكتەرىن اتاپ وتسەڭىز:

- بۇل جوبا جامبىل وبلىسىنداعى كوللەدجدەردەگى قىزمەتتەردى پايدالانۋداعى العاشقى ءارى جالعىز جوبا. جانە سوعان قاراماستان ناتيجەلى جۇمىس كورسەتىپ جاتىر. ونىڭ مىناداي ارتىقشىلىقتارىن اتاپ وتەر ەدىم:

* تىركەلۋ قاجەت ەمەس.

* كوللەجدەردەگى ەمتيحانداردىڭ بارلىعى وسى پورتالدا جۇرگىزىلەدى

* ستۋدەنت ەمتيحاننان شەكتى بالل جيناي الماعان جاعدايدا، قايتا تاپسىرۋ مۇمكىندىگى، قويىلعان باعانى وزگەرتۋ قاتاڭ تۇردە ءبىلىم ءبولىمىنىڭ ارنايى قاراستىرۋىمەن عانا جۇزەگە اسادى. ارنايى كوميسسيا قۇرىلادى.

* ونلاين پلاتفورما رەتىندە ساباق جۇرگىزۋگە بولادى

* لەكتسيالار جۇكتەلىپ، ستۋدەنت 1 اپتا كولەمىندە قايتا كورە الادى

* مۇعالىممەن تىكەلەي چاتقا شىعۋ مۇمكىندىگى

* جۋرنالعا باعا قويىلىپ، ساباق كەستەسىن دە كورۋگە بولادى

- پورتالدارىڭىزدا  اتالعان قىزمەتتەر تەگىن جۇرگىزىلە مە؟

- ءيا، ارينە. ءار پورتال بويىنشا اقپاراتتىق ورتالىقتارىمىزدا ازاماتتارعا تەگىن كونسۋلتاتسيا جۇرگىزەمىز. پورتالداعى ەلەكتروندى قىزمەتتەر ءۇشىن كولل-تسەنتر قىزمەتى دە ىسكە قوسىلعان. (8-707-209-10-18, 8-707-209-10-11, 8-707-209-10-38)

- مەكتەپكە قابىلداۋ قىزمەتى e-gov پورتالىندا دا بار. بىراق مەكتەپتەر ءۇشىن بۇل ءوتىنىش جارامسىز بولىپ ەسەپتەلەدى. نەگە وتىنىشتەردى وسى پورتالدا عانا جۇرگىزە بەرمەسكە؟

- سەبەبى e-gov-تا مەكتەپپەن تىكەلەي ينتەگراتسيا جوق. ول جەردە بەرىلگەن ءوتىنىش تىكەلەي مەكتەپكە تۇسپەيتىندىكتەن، ءبىز e-govپەن مەكتەپ اراسىندا بايلانىستىرۋشى كۇش رەتىندە جۇمىس جاسايمىز. ەگوۆ پەن ەدۋسكۋلدى (eduschool.kz) بىرىكتىرۋ ءۇشىن ءالى دە تولىقتىرۋ جۇمىستارىن جاساۋ كەرەك. بۇل بولاشاقتىڭ ەنشىسىندە.

- ابزال مىرزا، سۇحباتىڭىزعا راقمەت! كومانداڭىزدىڭ جۇمىسىنا تابىس تىلەيمىز!

- راقمەت!

 

        ادىرنا ۇلتتىق پورتالى

پىكىرلەر