قازاقستان رەسپۋبليكاسى پرەزيدەنتىنىڭ 2017 جىلعى 31 قاڭتارداعى "قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك" اتتى جولداۋىمەن "تسيفرلىق قازاقستان" مەملەكەتتىك باعدارلاماسى بەكىتىلدى.
باعدارلاما نەگىزگى 4 باعىتتى قامتيدى. باعدارلاما ماقساتى – مەملەكەتتىك قىزمەت كورسەتۋ جۇيەسىن جەتىلدىرۋ، ەل ەكونوميكاسىنىڭ دامۋ قارقىنىن جەدەلدەتۋ جانە قازاقستان حالقىنىڭ ءومىر ءسۇرۋ ساپاسىن ارتتىرۋ. باعدارلاما جاي عانا ينتەرنەت ساۋدا مەن ەلەكتروندى جۇمىستى دامىتۋمەن شەكتەلمەي، بارلىق قالالاردىڭ تەحنولوگيالىق ەكو جۇيەسىن قۇراستىرۋعا، ەكونوميكالىق سالالار مەن مەملەكەتتىك قۇرىلىمدى جاقسارتۋعا تەحنولوگيالىق كاسىپكەرلىك پەن يننوۆاتسيانى دامىتۋعا جاعداي جاساۋعا ارنالعان.
قازىرگى كەزدە الەمدەگى بارلىق مالىمەتتەردىڭ 99% تسيفرلىق جۇيەگە كوشىرىلگەن. ينتەرەنت ەكونوميكاسى جىلىنا 15-25%-كە ءوسىپ كەلەدى.
«تسيفرلىق قازاقستان» باعدارلاماسى ەكى كەزەڭمەن جۇزەگە اسىرىلۋدا. ءبىرىنشىسى – 2017-2019 جىلداردى قامتىسا، ەكىنشىسى 2020-2025 جىلدارعا ارنالعان.
تسيفرلاندىرۋ جۇيەسىنىڭ ارقاسىندا مەملەكەتتىك قىزمەتتەردى اۆتوماتتاندىرۋ ارقىلى قاعاز قۇجاتتار اينالىمى 70 ملن قۇجاتقا قىسقاردى. قۇجاتتاردىڭ ورتاشا پاكەتى 30%-عا (6 قۇجاتتان 4 قۇجاتقا) ازايدى. ال مەملەكەتتىك قىزمەتتەردى كورسەتۋ مەرزىمى 31 كۇننەن 10 كۇنگە قىسقاردى.
دەنساۋلىق ساقتاۋدى تسيفرلاندىرۋ ايتارلىقتاي ناتيجە بەرۋدە. مىسالى، بۇل كۇندەرى دارىگەرلەردىڭ 50 پايىز ۋاقىتى ۇنەمدەلدى. بيىل اۋداندىق دەڭگەيدەگى ەمحانالار 100 پايىز كومپيۋتەرمەن جابدىقتالادى. ال مەديتسينالىق مەكەمەلەردى اقپاراتتىق جۇيەگە قوسۋ 93 پايىزعا جەتەدى.
الەۋمەتتىك ەڭبەك سالاسىندا دا العا جىلجۋ بار. تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ دەرەكتەرى بويىنشا، ەلەكتروندىق ەڭبەك بيرجاسى ارقىلى 523 مىڭنان استام ادام جۇمىسقا ورنالاسقان.
تسيفلاندىرۋ جۇمىسىنا سوڭعى ەكى جىلدا جۇمىسىنا سوڭعى ەكى جىلدا 35 ملرد تەڭگە جۇمسالعان. 2020 جىلعى مالىمەتكە سايكەس، تسيفرلاندىرۋ جۇمىسى بويىنشا ەلىمىز 193 مەملەكەتتىڭ ىشىندە 29-ورىنعا شىقتى، ال ەكى جىل بۇرىنعى رەيتەينگتە 39-شى ساتىدا تۇرعان.
وكىنىشكە قاراي ەلىمىزدە ساپالى ينتەرنەتپەن قامتۋ جۇمىستارى كوڭىل كونشىتپەيدى. قازىر 100-دەن اسا قالا مەن 3 مىڭنان اسا اۋىلدا كەڭ جولاقتى ينتەرنەت بولسا، 2 مىڭ جۋىق اۋىلدا ينتەرنەت جوق. 2019 جىلى قازاقستان 176 ەلدىڭ ىشىندە ينتەرنەت جىلدامدىعى بويىنشا 67 ورىندا بولعان.
بۇل مينيستىرلىكتى 2018 جىلىدان ۆيتسە پريمەر، مينيستر اسقار جۇماعاليەۆ باسقارادى. قازاقستان الەمدىك رەتينگتە ۇيالى بايلانىس ابونەنتتەرى بويىنشا 2018 جىلى 21 ورىندا بولعان. قازىر توتەنشە جاعداي جاريالانىپ وقۋشىلار مەن ستۋدەنتتەر ءۇشىن قاشىقتان وقۋدىڭ قيىندىعىن سەزىندى. قازىر قازاقستاندا 100دەن اسا قالا مەن 3مىڭنان اسا اۋىلدا كەڭ جولاقتى ينتەرنەت بار. ال 2 مىڭ جۋىق اۋىلدا ينتەرنەت جوق. بار اۋىلداردا جىلدامدىق وتە تومەن. 2019 جىلى قازاقستان 176 ەلدىڭ ىشىندە ينتەرنەت جىلدامدىعى بويىنشا 67 ساتىعا جايعاسقان. الەمدىك ۇيىمداردىڭ ەسەبىنشە 2019 جىلى قازاقستاندىق ينتەرنەتتىڭ ورتاشا جىلدامدىعى سەكۋندىنا 4/66 مەگابيت بولعان.
اقپان ايىندا پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قر تسيفرىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ «تسيفرلىق قازاقستان» مەملەكەتتىك باعدارلاماسىنىڭ جۇزەگە اسىرىلۋ بارىسى تۋرالى بايانداماسىندا سوڭعى ەكى جىلدى يننوۆاتسيالىق ەكوجۇيەگە 32,8 ملرد تەڭگە تارتىلعانى تۋرالى ايتتى.
اسقار گۇلۆيرا،
«ادىرنا» ۇلتتىق پورتالى
