رەسەيدىڭ ساياسي جانە بيزنەس ەليتاسى گامالەي اتىنداعى ۇلتتىق زەرتتەۋ ورتالىعىنىڭ تاجىريبەلىك ەكپەسىن سالدىرۋعا ءساۋىر ايىندا قول جەتكىزگەن. بۇل تۋرالى Bloomberg اگەنتتىگى حابارلادى. اگەنتتىكتىڭ جازۋىنشا، ەكپە جۇزدەگەن ادامعا ەگىلگەن. ەكپە سالىنعانىن اگەنتتىككە ونداعان ادام راستاعان، بىراق ولاردىڭ اتى-جوندەرى ايتىلمايدى.
ەرىكتىلەر ۆاكتسيناتسياعا تەگىن قاتىسقان. ولارعا ۆاكتسينانىڭ ەكى دوزاسى سالىنعان.
اگەنتتىككە سۇحبات بەرگەن توپ-مەنەدجەرلەردىڭ ءبىرى ءتۇرلى جيىندارعا قاتىسىپ، ادەتتەگىدەي ءومىر ءسۇرۋ ءۇشىن ەكپە سالدىرتقانىن ايتقان. وعان ەكپەنىڭ كەرى اسەرى بولماعان. دەگەنمەن سىناققا قاتىسقان كەيبىر ادامدار دەنە قىزۋى كوتەرىلىپ، بۇلشىقەتتەرى اۋىرعانىن جەتكىزگەن.
ۆاكتسينا العاندار اراسىندا رەسەيلىك ينۆەستيتسيا قورىنىڭ جەتەكشىسى كيريلل دميتريەۆ پەن ونىڭ وتباسى دا بار. بۇل اقپاراتتى دميتريەۆتىڭ ءوزى حابارلاعان جانە «رۋسال»، «فوساگرو» كومپانيالارىنىڭ توپ-مەنەدجەرلەرلەرى دە راستاعان. ال كومپانيا تۇسىنىكتەمە بەرۋدەن باس تارتقان.
رەسەي پرەزيدەنتى ۆلاديمير پۋتين نەمەسە پرەزيدەنت اكىمشىلىگىنىڭ وكىلدەرىنە ەكپە سالىندى ما، جوق پا ازىرگە بەلگىسىز. اگەنتتىكتىڭ جازباشا ساۋالىنا پرەزيدەنتتىڭ ءباسپاسوز حاتشىسى دميتري پەسكوۆ جاۋاپ بەرمەگەن. Bloomberg-ءتىڭ جازۋىنشا، ۇكىمەت مۇشەلەرى دە اقپاراتقا تۇسىنىكتەمە بەرمەگەن.
"ازاتتىق" راديوسى
