وزبەكستانداعى قحر ەلشىلىگىنىڭ وكىلى «سامارقاندتان شىققان پايعامبارعا» قىتاي كوروناۆيرۋستىق ينفەكتسيا تۋرالى ءبىرىنشى بولىپ الەمگە حابارلاعانىن، بىراق بۇل قىتاي ۆيرۋستىڭ «وتانى» ەكەنىن بىلدىرمەيدى دەپ مالىمدەدى. وكىلدىڭ تۇسىندىرمەسى ديپلوماتيالىق اگەنتتىكتىڭ Telegram كانالىندا جاريالاندى دەپ حابارلايدى "ادىرنا" "فەرگانا" اگەنتتىگىنە سىلتەمە جاساپ.
حابارلامادا كوروناۆيرۋستىڭ پايدا بولۋى ءالى ناقتى انىقتالماعاندىعى جانە كەيبىر عىلىمي زەرتتەۋلەر 2019 جىلدىڭ سوڭىندا قىتايدا ىندەت باستالماي تۇرىپ-اق باسقا جەرلەردە كوروناۆيرۋستىڭ پايدا بولعاندىعىن ايتادى .
جاقىندا سامارقاندتىڭ STV تەلەارناسى الەۋمەتتىك جەلىلەردەن ۆيدەوروليك كورسەتتى، وندا قارت ادام ونى ادامزاتتى كوروناۆيرۋستان قۇتقارۋ ءۇشىن «جاراتۋشىنىڭ» جىبەرگەنىن حابارلايدى. بۇل ميسسيانى ورىنداۋ ءۇشىن وعان قىتايعا بارۋ كەرەك، ويتكەنى بۇل اۋرۋدىڭ وتانى قىتاي دەيدى.
«پايعامباردىڭ» ەسىمى اتالمايدى، الايدا سامارقاند وبلىستىق پوليتسيا باسقارماسىنىڭ مالىمەتى بويىنشا ول 1962 جىلى تۋعان جانە سامارقاندتاعى ماحاللالاردىڭ بىرىندە تۇرادى. «پايعامبار» 1980-1982 جج. اۋعانستانداعى اسكەري قاقتىعىستار كەزىندە سوعىس قيمىلدارىنا قاتىسىپ، وندا باسىنان قاتتى سوققى العان. ساماركاند وبلىستىق پسيحونەۆرولوگيالىق ديسپانسەرىنىڭ ماماندارى ەر ادامنىڭ پسيحيكالىق دەنساۋلىعىنىڭ جاي-كۇيىن تەكسەرۋگە نيەتتى.
"ادىرنا" ۇلتتىق پورتالى
