شىمكەنتتىڭ بىلىكتى دارىگەرلەرى 1430.kz سايتى ارقىلى ونلاين تەگىن كەڭەس بەرۋگە كوشتى. اتالمىش سايتقا جەرگىلىكتى ەمحانالاردىڭ جالپى تاجىريبەلىك دارىگەرلەرى تىركەلىپ، قىزمەت كورسەتۋگە دايىن. ولار جەلى ارقىلى ناۋقاسقا كەڭەس بەرىپ، العاشقى مەديتسينالىق كومەكتى كورسەتەتىن بولادى.
بۇل ءۇشىن 1430.kz پورتالىندا تىركەلىپ، قاجەتتى ماماندى تاڭداپ، ونلاين-قابىلداۋعا جازىلۋ جەتكىلىكتى. ياعني، قالا تۇرعىنى سايتقا ءوزىنىڭ اتىمەن، لوگينىمەن تىركەلەدى. سوسىن ءتيىستى دارىگەرىن تاپقان سوڭ، بوس ۋاقىتىنا ساي ونلاين كەڭەسكە جازىلادى. ونلاين كەڭەس ۋاقىتىنا 10 مينۋت قالعاندا دارىگەر مەن پاتسيەنتكە كونسۋلتاتسيا كۇتىپ تۇرعاندىعى تۋرالى سمس حابارلاما كەلەدى.
ەمحانالارداعى جالپى تاجىريبەلىك جانە مامانداندىرىلعان دارىگەرلەر، ونىڭ ىشىندە حيرۋرگ، تراۆموتولوگ، ۋرولوگ، گينەكولوگ سىندى جەتپىسكە جۋىق مامان بۇگىندە اتالعان سايتقا تىركەلگەن.
ونلاين قىزمەت ەلىمىزدە تەلەمەديتسينانى دامىتۋ بويىنشا قولعا الىنعان Start-Up جوبالاردىڭ ءبىرى. بۇل تاجىريبە بۇعان دەيىن نۇرسۇلتان مەن الماتى قالالارىندا جۇزەگە اسا باستاعان.
شىمكەنت
