پاۆلودار وبلىسى اكىمدىگىنىڭ باسقارما باسشىسىنا قاتىستى سوتقا دەيىنگى تەرگەۋ باستالدى. بۇل تۋرالى "ادىرنا" Tengrinews.kz-كە سىلتەمە جاساپ حابارلايدى.
انتيكوررۋپتسيا ءباسپاسوز قىزمەتىنىڭ حابارلاۋىنا قاراعاندا، پاۆلودار وبلىسى بويىنشا سىبايلاس جەمقورلىققا قارسى قىزمەتى جالپى سوماسى 2,6 ميلليون تەڭگە بولاتىن مەردىگەردىڭ ءىس جۇزىندە ورىندالماعان جۇمىستاردىڭ اتقارىلۋى تۋرالى جالعان اكتىسىنە قول قويۋ ارقىلى بيۋدجەت قاراجاتىن جىمقىرۋ فاكتىسى بويىنشا وبلىس اكىمدىگى باسقارمالارىنىڭ ءبىرىنىڭ باسشىسىنا قاتىستى سوتقا دەيىنگى تەرگەۋدى باستادى.
"قپك 201-بابىنا سايكەس وزگە اقپارات تەرگەۋ مۇددەسى ءۇشىن جاريالاۋعا جاتپايدى", - دەپ حابارلادى ۆەدومستۆونىڭ ءباسپاسوز قىزمەتىندەگىلەر
ەستەرىڭىزگە سالا كەتسەك، جۋىردا كوروناۆيرۋس ىندەتىمەن كۇرەستى جارنامالاۋ ءۇشىن باق-قا بولىنگەن اقشانىڭ ەسەبى جاريالانعان. اقپاراتقا سەنسەك، بۇرىنعى دەنساۋلىق ساقتاۋ ءمينيسترى ەلجان ءبىرتانوۆ جۋرناليست امان تاسىعاننىڭ “Talk show” باعدارلاماسىنا 50 ملن-عا جۋىق اقشا بولگەن. الايدا، جۋرناليست مۇنداي اقشانى الماعانىن ايتتى.
