دۇنيەجۇزىلىك دەنساۋلىق ساقتاۋ ۇيىمى ءالى كۇنگە بىردە-ءبىر كوروناۆيرۋس ۋارۋى تىركەلمەگەن تۇركىمەنستانعا باردى. ۇيىم ەل باسشىلىعىنان ۆيرۋس تارالعان ەلدەردەگىدەي شارالاردى قولدانۋدى سۇرايدى دەپ حابارلايدى بۇۇ.
ددسۇ ساراپشىلارى ەلگە جاقىندا عانا كەلدى.. ولار جەدەل رەسپيراتورلىق ينفەكتسيالار مەن بەلگىسىز شىعۋ تەگى پنەۆمونياسىنىڭ كوبەيۋى تۋرالى حابارلامالارعا جاۋاپ رەتىندە باقىلاۋدى كۇشەيتۋدى جانە تەكسەرۋدى ۇسىندى.
«ددسۇ-نىڭ تەحنيكالىق كونسۋلتاتيۆتىك ميسسياسى 6 شىلدەدە تۇركىمەنستانعا ۇكىمەتتىڭ شاقىرۋىمەن كەلدى، ولاردى مەجەلى جەرگە دەيىن جەتكىزۋگە كومەكتەستى». ا ددسۇ ەۋروپالىق بيۋروسىنىڭ توتەنشە جاعدايلار جونىندەگى اعا مامانى كەترين سمولۆۋد كونفەرەنتسيانىڭ جابىلۋىندا اۋرۋحانالارعا، دەنساۋلىق ساقتاۋ ورتالىقتارىنا، زەرتحانالارعا جانە ءۇش شەكارا وتكىزۋ پۋنكتىنە، سونىڭ ىشىندە تۇركمەنباشى حالىقارالىق تەڭىز پورتىنا باردىپ، جاعدايمەن تانىسقاندارىن مالىمدەدى.
ددسۇ ميسسياسىن باسقارعان كەترين چيچۆۋد تۇرىكمەنستاندا COVID-19 راستالعان جاعدايلارى تىركەلمەگەنىن قاداپ ايتتى بىراق ول «ەل ۆيرۋستىڭ قاۋىپتى ەكەنىن تولىق بىلەدى» دەدى جانە COVID-19-عا قارسى دايىندىق شارالارىن قابىلداۋ كەرەكتىگىن ەسكەرتتى».
ساراپشىلار رەسپيراتورلىق ينفەكتسيانىڭ، ونىڭ ىشىندە كوپشىلىك ءىس-شارالار كەزىندە، بازارلاردا، دۇكەندەردە جانە قوعامدىق كولىكتەردە تارالۋىن بولدىرماۋعا باعىتتالعان شارالاردى ەنگىزۋدى جوعارى باعالادى.
جاقىندا وتاندىق اۆتوبۋس پەن پويىزداردىڭ قىزمەتىنە شەكتەۋلەر قويىلدى، دەدى سمولۆۋد. سونداي-اق، جەكە قورعانىس شارالارى ەنگىزىلدى، مىسالى، ماسكا كيۋ، قول گيگيەناسى جانە فيزيكالىق قاشىقتىق.
ددسۇ تۇرىكمەنستانعا COVID-19 انىقتالعان جاعدايدا جاسالۋى كەرەك نەگىزگى شارالاردى قابىلداۋعا كەڭەس بەردى: جەدەل رەسپيراتورلىق ينفەكتسياسى بار ادامداردى انىقتاۋ، ولاردى وقشاۋلاۋ جانە ۋاقتىلى تەستىلەۋ، بايلانىستارىن انىقتاۋ جانە ناۋقاستاردى ەمدەۋ.
«ءبىز وتكىر رەسپيراتورلىق ينفەكتسيالار نەمەسە بەلگىسىز شىعۋ تەگى بار پنەۆمونيا سانىنىڭ كوبەيۋى تۋرالى كوپتەگەن حابارلارعا قاتتى الاڭداۋشىلىق بىلدىرەمىز، سوندىقتان قاداعالاۋ جانە تەستىلەۋ جۇيەلەرىن كۇشەيتۋدى جانە كوپتەگەن ەلدەردەگىدەي ددسۇ-نىڭ رەفەرەنس-زەرتحانالارىنا اۋرۋدىڭ العاشقى ساتىسىندا سىنامالاردى قايتا سىناقتان وتكىزۋدى ۇسىنامىز»، - دەدى كەترين سمولۆۋد.
ونىڭ ايتۋىنشا، «تۇركىمەنستاننىڭ دەنساۋلىق ساقتاۋ جۇيەسى COVID-19 قارسى تۇرۋ ءۇشىن قاجەتتى الەۋەتكە يە».
«تۇرىكمەنستان قابىلدايتىن شارالار تەك ەلدىڭ ءوزى عانا ەمەس، سونىمەن بىرگە ورتالىق ازيا ايماعىنىڭ، ەۋروپا ايماعىنىڭ جانە بۇكىل الەمنىڭ تۇرعىندارىنا دا اسەر ەتەدى»، - دەپ قورىتىندىلادى ءسوزىن كەترين سمولۆۋد.
"ادىرنا" ۇلتتىق پورتالى
