مۇحتار شەرىم. كورونۆيرۋستاگقا تۋ تىگەمىز!

497

دۇنيەجۇزىلىك ۇلى ءومىر سوعىسى باستالعالى قاشان! 2020 جىلدىڭ ناۋرىز ايىندا باسقىنشى كورونوۆيرۋس اسكەرلەرى قازاقستان تەرريتورياسىنا دا تاڭعى تورتتە تۇتقيىلدان شابۋىل جاساعان ەدى. باقايشاعىنا دەيىن قارۋلانعان كورونو اجال سوعىسىنا بيلىك سەنبەگەن ەدى... "ناكونەتس تو كەلدى عوي"دەپ قاراپ وتىرعان ەدى.

ەلدە كوزگە كورىنبەيتىن كورونوۆيرۋسپەن سوعىس ءجۇرىپ جاتقاندا ساتقىندار ءدارى-دارمەكتەن پايدا تاۋىپ، تىعىپ ساتىپ، تاپشىلىقتى قولدان جاساپ جاتتى... سوندا دا از عانا اسپيرين اۆتوماتپەن، پاراتسەتومول مينومەتپەن قارۋلانعان حالىق ءومىر ءۇشىن كۇرەسىپ جاتتى.

سوعىستىڭ ورتا تۇسىندا قولباسشىمىز بۇرىنعى ەفرەيتور ءبىرتانوۆتى ورنىنان الىپ تاستاپ، دەنساۋلىق ءمينيسترى كرەسلوسىنا تسويدى قويدى. مارشال اتاعىن بەردى. مارشال باس دارىگەر، قازىر "قايتسەك كورونانى جەڭەمىز؟"دەپ ابىگەر. مىرزالار مەن حانىمدار! كورونو اسكەرلەرى حالقىمىزدى تۇنشىقتىرىپ، و دۇنيەگە اتتاندىرىپ جاتقاندا، ميللياردەر بايلار نەگە تىنىس الدىراتىن اپپاراتقا اقشالارىن قيمايدى؟

وسىنى ايتاتىن دەپۋتاتتار نەگە ماقاۋ؟ ۇكىمەت نەگە شابۋىل باستامايدى؟ اجال سەۋىپ تۇرعان دزوتتىڭ اۋزىنا كەۋدەسىن توساتىنداي، ماتروسوۆ ەرلىگىن قاي شەنەۋنىك قايتالايدى ەكەن؟ ۇلى ءومىر سوعىسى تەك ءبىزدىڭ جەڭىسپەن اياقتالادى! ءبىز جەڭەمىز! شەگىنەرگە جول جوق، ارتىمىزدا استانا!!!

مۇحتار شەرىمنىڭ  قىشقىل ساتيراسى، 

"ادىرنا" ۇلتتىق پورتالى

پىكىرلەر
رەداكتسيا تاڭداۋى