ستۋدەنتتەرگە 42 500 تەڭە بەرىلمەۋى مۇمكىن

2262
Adyrna.kz Telegram

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگە توڭىرەگىندە ستۋدەنتتەرگە قاتىستى ماسەلەگە جاۋاپ بەردى. ونىڭ ايتۋىنشا، ءبىزدىڭ ەلدە ستۋدەنتتەر دەگەن جەكە سانات جوق. 42 500 تەڭگە جالدامالى جۇمىسشىلارعا، كاسىپكەرلەر مەن ءوزىن-ءوزى جۇمىسپەن قامتۋشىلارعا، ياعني تابىسىنان ايرىلعاندارعا عانا بەرىلەدى. نۇرىمبەتوۆ جوعارىدا اتالعان ءۇش ساناتتىڭ بىرىنە كىرەتىن ستۋدەنت 42 500 تەڭگە تولەم الا الادى. 

توتەنشە جاعداي كەزىندە ستۋدەنتتەرگە 42 500 تەڭگە تولەۋدىڭ زاڭدىلىعىنا بايلانىستى بىرنەشە سۇراقتار تۋىنداعان.

"بىرىنشىدەن، ستاتيستيكا كوميتەتى پايدالاناتىن ەڭبەك نارىعىنا قاتىستى زاڭداردى الساق، ستۋدەنتتەر حالىقتىڭ ەكونوميكالىق بەلسەندى توبىنا جاتپايدى. ستۋدەنتتەر قارت ادامدار، بالالار مەن مۇگەدەكتىگى بار ازاماتتار سياقتى ەكونوميكالىق بەلسەندى ەمەس توپقا جاتادى.

ەكىنشىدەن، ەڭبەك زاڭىنا ساي، ستۋدەنتتەر جۇمىسسىز ازاماتتار دەپ تانىلا المايدى.

ۇشىنشىدەن، مەديتسينالىق ساقتاندىرۋ تۋرالى زاڭعا سايكەس، كۇندىزگى وقۋداعى ستۋدەنتتەر جۇمىس ىستەمەيدى دەگەن نەگىزدى باسشىلىققا الاتىن مەملەكەت ولار ءۇشىن مەدساقتاندىرۋ قورىنا جارنا تولەيدى. وسىعان بايلانىستى بىزگە وسى ماسەلەنىڭ زاڭدىلىعى تۋرالى سۇراقتار تۋىندادى، - دەدى مينيستر.

 

قازىر وسى ماسەلە قاراستىرىلىپ جاتقان كورىنەدى. ەگەر ستۋدەنتتەرگە جۇمىس بەرۋشى ءوتىنىش بەرگەن جاعدايدا 42 500 تەڭگە الۋدان دامەلى بولا الادى.

"ادىرنا" ۇلتتىق پورتالى

 

پىكىرلەر