Eńbek jáne halyqty áleýmettik qorǵaý mınıstri Birjan Nurymbetov 42 500 teńge tóńireginde stýdentterge qatysty máselege jaýap berdi. Onyń aıtýynsha, bizdiń elde stýdentter degen jeke sanat joq. 42 500 teńge jaldamaly jumysshylarǵa, kásipkerler men ózin-ózi jumyspen qamtýshylarǵa, ıaǵnı tabysynan aırylǵandarǵa ǵana beriledi. Nurymbetov joǵaryda atalǵan úsh sanattyń birine kiretin stýdent 42 500 teńge tólem ala alady.
Tótenshe jaǵdaı kezinde stýdentterge 42 500 teńge tóleýdiń zańdylyǵyna baılanysty birneshe suraqtar týyndaǵan.
"Birinshiden, Statıstıka komıteti paıdalanatyn eńbek naryǵyna qatysty zańdardy alsaq, stýdentter halyqtyń ekonomıkalyq belsendi tobyna jatpaıdy. Stýdentter qart adamdar, balalar men múgedektigi bar azamattar sııaqty ekonomıkalyq belsendi emes topqa jatady.
Ekinshiden, eńbek zańyna saı, stýdentter jumyssyz azamattar dep tanyla almaıdy.
Úshinshiden, medıınalyq saqtandyrý týraly zańǵa sáıkes, kúndizgi oqýdaǵy stýdentter jumys istemeıdi degen negizdi basshylyqqa alatyn memleket olar úshin medsaqtandyrý qoryna jarna tóleıdi. Osyǵan baılanysty bizge osy máseleniń zańdylyǵy týraly suraqtar týyndady, - dedi mınıstr.
Qazir osy másele qarastyrylyp jatqan kórinedi. Eger stýdentterge jumys berýshi ótinish bergen jaǵdaıda 42 500 teńge alýdan dámeli bola alady.
"Adyrna" ulttyq portaly
