2020 جىلى 13 مامىردا قازاقستان رەسپۋبليكاسىنىڭ حالىقتىڭ كوشى-قونى تۋرالى زاڭىنا وزگەرىستەر مەن تولىقتىرۋلار ەنگىزىلدى دەپ حابارلايدى، «ادىرنا» ۇلتتىق پورتالى.
قازاقستان رەسپۋبليكاسىنىڭ ازاماتتىعىن وڭايلاتىلعان (تىركەۋ) تارتىپپەن الۋ ماقساتىندا رەسپۋبليكا اۋماعىندا تۇراقتى تۇراتىن ەتنيكالىق قازاقتار ورالمان مارتەبەسىن ۇزارتۋ تۋرالى ءوتىنىشتى حالىققا قىزمەت كورسەتۋ ورتالىعى ارقىلى بەرە الادى.
ورالمان مارتەبەسىن ۇزارتۋ تۋرالى شەشىمدى جەرگىلىكتى اتقارۋشى ورگان التى ايدان اسپايتىن مەرزىمگە ءبىر رەت قابىلدايدى.
ورالمان كۋالىگىنىڭ مەرزىمىن ۇزارتۋ ءۇشىن قاجەتتى قۇجاتتار ءتىزىمى:
ورالمان كۋالىگىنىڭ مەرزىمىن ۇزارتۋ جونىندە شەشىم العاننان كەيىن قازاقستان ازاماتتىعىن جەڭىلدەتىلگەن تارتىپپەن (3 ايدىڭ ىشىندە) الۋ ءۇشىن قر ءىىم الماتى قالاسى پوليتسيا دەپارتامەنتى كوشى-قون قىزمەتى باسقارماسىنا وسى شەشىممەن بىرگە قاجەتتى قۇجاتتاردى تاپسىرۋ قاجەت.
الماتى قالاسى الەۋمەتتىك ءال-اۋقات باسقارماسى (بۇدان ارى – باسقارما) كوشى-قون جۇيەلەرى ءبولىمىنىڭ قىزمەتكەرلەرى، ورالمان مەرزىمىن وتكىزىپ العان ەتنيكالىق قازاقتارعا قۇجات ماسەلەسى بويىنشا كومەك كورسەتىپ جاتىر.
وسىنداي شارانى قابىلداۋ ەتنيكالىق قازاقتار اراسىندا الەۋمەتتىك شيەلەنىستى شەشىپ قانا قويماي، ولاردىڭ قازاقستان ازاماتتىعىن العاننان كەيىن الەۋمەتتىك-ەكونوميكالىق ءال-اۋقاتىنىڭ جاقسارۋىنا ىقپال ەتەدى.
باسقارمانىڭ مەكەن-جايى: الماتى قالاسى، قوناەۆ كوشەسى، 122 عيمارات، انىقتاما تەلەفونى: 8 (727) 261-10-86.
