شىمكەنتتىك دارىگەرلەردىڭ ءىس-شاراسىنا تۇسىنىك بەرىلدى (ۆيدەو)

3447
Adyrna.kz Telegram

بىرنەشە ساعات بۇرىن Facebook جەلىسىندە شىمكەنت قالاسى  دارىگەرلەرىنىڭ كوشەدە ءتىزىلىپ تۇرعان ۆيدەوسى تاراپ كەتكەن ەدى. كوپشىلىك بۇل ۆيدەونى ازا تۇتۋ ءراسىمى دەپ قابىلدادى.

اتالعان ۆيدەوعا شىمكەنت قالاسى قوعامدىق دەنساۋلىق ساقتاۋ باسقارماسىنىڭ وكىلدەرى تۇسىنىك بەردى.

"الەۋمەتتىك جەلىدە ۆيدەوسى تاراپ جۇرگەن اق حالاتتىلاردىڭ قاتىسۋىمەن وتكەن ءىس-شارا شىمكەنت قالاسىنىڭ دەنساۋلىق ساقتاۋ باسقارماسى تاراپىنان ۇيىمداستىرىلماعانىن رەسمي تۇردە مالىمدەيمىز. بەينە-روليكتەگى تۋبەركۋلەز ديسپانسەرى تۇركىستان وبلىستىق قوعامدىق دەنساۋلىق ساقتاۋ باسقارماسىنا قاراستى مەكەمە بولىپ تابىلادى", - دەلىندى قالالىق قوعامدىق دەنساۋلىق ساقتاۋ باسقارماسىنىڭ فەيسبۋك پاراقشاسىدا.

ال "تەنگرينەۋس" تۇركىستان وبلىسى اكىمىنىڭ ورىنباسارى ساكەن قالقامانوۆتىڭ Facebook جەلىسىندەگى پاراقشاسىنا سىلتەمە بەرىپ،  قالادا سانيتارلىق  نورمالاردى ساقتاي وتىرىپ، ءۇش جەردە ءىس-شارا وتكىزگەنى تۋرالى جازدى.

ايتۋىنشا، تۇركىستانداعى باس تۋدىڭ ماڭىندا ءبىر مينۋت ۇنسىزدىك جاريالانىپ،  پوليتسەيلەر، قالالىق ەمحانانىڭ قىزمەتكەرلەرى، وبلىس اكىمى مەن اپپارات قىزمەتكەرلى قايتىس بولعانداردى ازا تۇتقان.

" ال شىمكەنتتەگى تۋبەركۋلەز ديسپانسەرىنىڭ باس دارىگەرى قاجەت ەمەس باستامانى قولعا الىپ، اۋرۋحانانىڭ بۇكىل ۇجىمىن سىرتقى شىعارىپ اكتسيا وتكىزدى. دارىگەرلەردى وسىنداي قيىن ساتتە مازالاۋ، بىلايشا ايتقاندا، قىلمىستىق وزبىرلىق", - دەدى قالقامانوۆ.

پىكىرلەر