بۇگىن شىمكەنت قالاسى əكىمدىگىندە شىمكەنت قالالىق دەنساۋلىق ساقتاۋ باسقارماسىنىڭ باسشىسى رۋستام الباەۆتىڭ قاتىسۋىمەن بۇگىنگى ەپيدەميولوگيالىق احۋال جونىندە بريفينگ ءوتتى.
ءباسپاسوز ماجىلىسىندە، ەڭ الدىمەن، رۋستام قۋانىشبەكۇلى قالاداعى ەپيدەميولوگيالىق جاعداي مەن اتقارىلىپ جاتقان جۇمىستار تۋرالى باياندادى.
– شىمكەنت قالاسىندا قولايسىز ەپيدەميولوگيالىق جاعدايعا بايلانىستى ينفەكتسيالىق اۋرۋلارعا شالدىققان ناۋقاستاردى ەمدەۋ ءۇشىن توسەك-ورىندار سانى قوسىمشا كوبەيتىلۋدە. بۇل توسەك-ورىندار سانى 650-دەن 3129-عا جەتتى. سونداي-اق جان ساقتاۋ بولىمىندەگى ورىندار سانىن دا كوبەيتىپ، بۇگىندە 141 جان ساقتاۋ ورنى بار. ولار №2 قالالىق اۋرۋحانا، اسار مولتەك اۋدانىنداعى 200 توسەك-ورىندىق ينفەكتسيالىق اۋرۋحانا جəنە قالالىق كورديولوگيالىق ورتالىقتاردىڭ بازاسىندا ورنالاستىرىلعان. بۇل باعىتتا رەانيماتولوگ ماماندار تاۋلىگىنە 24 ساعات جۇمىس ىستەۋدە. شىمكەنت قالاسىندا وتكەن جىلمەن سالىستىرعاندا بۇگىنگە دەيىن جەدەل جاردەم قىزمەتىن شاقىرتۋشىلار سانى 2 ەسەگە وسكەن ەدى. قازىرگى تاڭدا جاعداي قالىپقا كەلە باستادى. ال ءدارى-دارمەك بويىنشا رەسەي، ۋكراينا، تۇركيا، وزبەكستان ت.ب. ەلدەردىڭ كومپانيالارمەن كەلىسىمشارت جاسالىنىپ، ءدارى-دارمەكتەر اكەلىنۋدە. سونىمەن قاتار كەلەسى اپتادا رەسەيدەن تاجىريبە الماسۋ ءۇشىن ءارى كومەك بەرۋ ءۇشىن 5 مامان، تۇركيا ەلىنەن 10 مامان كەلەدى، – دەدى باسقارما باسشىسى.
ايتا كەتەيىك، قالادا دəرىلەردىڭ باعاسىن تۇراقتاندىرۋ ءۇشىن قۇرىلعان 4 مونيتورينگتىك توپ بۇگىنگە دەيىن 50 زاڭ بۇزۋشىلىق فاكتىسىن انىقتاپ، ولارعا ءتيىستى اكىمشىلىك شارالار كورسەتكەن. ودان بولەك، ءدارىحانادا جوق دارىلەردىڭ ورنىنا بالامالارىن ۇسىنۋ ەسكەرتىلگەن.
