انا ءتىلى-ءجاي ءتىل ەمەس، باي ءتىل، قازاق حالقىنىڭ وتكەنى، بۇگىنى مەن ەرتەڭى. قازاق ءتىلى ءوزىنىڭ زاڭعار تاۋلارىنداي بيىك تە مارتەبەلى، دالاسىنداي سۇلۋ دا بەينەلى. قازاق ءسوزى قاشاندا ءجاننات مەكەن، وركەنيەتتى حالىق ۇعىمىمەن استاسقانداي.
ءتىلىمىز بىلەكتىڭ كۇشىمەن، اق نايزانىڭ ۇشىمەن كەلدى. انا ءتىلى انامىزدىڭ اق ءسۇتى، اكەمىزدىڭ قومقورلىعىنان، اتا-اجەمىزدىڭ شەكسىز سۇيىسپەنشىلىگىنەن باستاۋ الادى. ءتىپتى حالىق تاۋەلسىزدىگىنىڭ دە باستى ءبىر بەلگىسى-انا ءتىلى، ۇلتتىق مادەنيەت ەكەنى حاق. ءتىلى مەن ءدىنى، ۇلتتىق سيپاتى ناشار ەلدىڭ بولاشاعى بۇلىڭعىر، كۇنى قاراڭ. ونداي ۇلت، ونداي حالىق ەل بولۋدى بىلاي تۇرسىن قادىر-قاسيەتىنەن ايرىلماق.
مەنىڭشە، ءاربىر ەلدىڭ قارۋى ول – ءتىلى. تىلدىك دەڭگەيى تومەن مەملەكەت ىعىسىپ ءبىر شەتتە قالادى. اقىر اياعىندا جويىلىپ جوق بولادى. بۇگىن بولعان ءىس – ەرتەڭ ۇمىت. ءتىلىمىزدىڭ باي، ساي-سالالى ەكەندىگىنە قاراماستان كەي جەرلەردە تىلدىك دارەجە ءتۇسىپ جاتادى. ولاي دەيتىنىم، قانداستارىمىزدىڭ تۋعان جەرىندە عۇمىر كەشىپ جاتسا دا، تۋعان تىلىندە سويلەمەيتىنى. سولارعا قاراپ، ىشتەي قىنجىلاسىڭ دا قوياسىڭ. ء"تىلىن بىلمەيتىندەردى ەمەس، بىلگىسى كەلمەيتىندەردى - ماڭگۇرت", - دەيدى دانا حالقىم. بۇل ءسوزدى ەستىسەك كادۋىلگى ءسوز سەكىلدى ءمان بەرمەيمىز. ال ەندى بۇل ءسوزدىڭ مانىسىنە توقتالساق: بىرەۋ بىلسە، بىرەۋ بىلمەس. ماڭگۇرت دەپ ادام بويىندا ۇلتتىق، مادەنيەت پەن قۇندىلىقتاردىڭ، ادامگەرشىلىك قاسيەتتەردىڭ جويىلۋىن ايتادى.
ماڭگۇرتتىك اتا جۇرتتىڭ تاريحىن، ۇلتتىق قۇندىلىعىن، سالت-ءداستۇرىن بىلمەۋدەن، جو-جوق تەگىندە ءبارىن مانسۇق ەتۋ سەكىلدى قۇبىلىستاردان تۋىندايدى. ءاربىر ازامات ءوزىنىڭ بولاشاعىنىڭ جارقىن بولعانىن قالايتىنى بەلگىلى. ەگەر جارقىن بولاشاقتى قالاساڭىز بولاشاق پەن ءتىل، ۇلتتىق مادەنيەت سوزدەرىن بايلانىستىرۋدى ۇيرەنىڭىز!
اقىل عالىمزات،
الماتى قالاسى
