تاراز قالاسى اكىمدىگىنە جاڭا ورىنباسار تاعايىندالدى

سادۋباەۆ الماس قادىربەكۇلى تاراز قالاسى اكىمىنىڭ ورىنباسارى بولىپ تاعايىندالدى. بۇل تۋرالى تاراز قالاسى اكىمدىگىنىڭ  سايتىندا حابارلاندى. "تاراز قالاسى اكىمىنىڭ 2020 جىلعى 8 شىلدەدەگى №225ج/ق وكىمىمەن سادۋباەۆ الماس قادىربەكۇلى تاراز قالاسى اكىمىنىڭ ورىنباسارى بولىپ تاعايىندالدى", - دەلىنگەن قۇجات ماتىنىندە. الماس سادۋباەۆ 1984 جىلى جامبىل وبلىسىندا دۇنيەگە كەلگەن، ءبىلىمى جوعارى. 2005 جىلى  م.ح.دۋلاتي اتىنداعى ۋنيۆەرسيتەتتىن "جۋرناليستيكا" ماماندىعى بويىنشا بىتىرگەن. ەڭبەك جولىن 2004 جىلى "قازاقستان-تاراز" تەلەارناسىنىڭ جاڭالىقتار ءبولىمىنىڭ رەداكتورى بولىپ باستاعان. 2005-2008 جىلدارى، جاڭالىقتار ءبولىمىنىڭ رەداكتورى، "قازاقستان ۇلتتىق تەلەارناسى" اق PR-ديرەكتورى; 2008-2010 جىلدارى رەسپۋبليكالىق "زاڭ" گازەتى جانە جۋرنالىنىڭ باس رەداكتورى; 2010 جىلى- جوعارعى سوت توراعاسىنىڭ ءباسپاسوز حاتشىسى; 2010-2011 جىلدارى- پرەزيدەنت اكىمشىلىگىنىڭ ساراپشىسى; 2011-2015 جىلدارى "قر ءىىب مەديا ورتالىعىنىڭ" باس ديرەكتورى، ىشكى ىستەر ءمينيسترىنىڭ ءباسپاسوز-حاتشىسى بولعان. جاڭا قىزمەتىنە دەيىن ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى لاۋازىمىن اتقارىپ كەلگەن.