Sádýbaev Almas Qadyrbekuly Taraz qalasy ákiminiń orynbasary bolyp taǵaıyndaldy. Bul týraly Taraz qalasy ákimdiginiń saıtynda habarlandy.
"Taraz qalasy ákiminiń 2020 jylǵy 8 shildedegi №225j/q ókimimen Sádýbaev Almas Qadyrbekuly Taraz qalasy ákiminiń orynbasary bolyp taǵaıyndaldy", - delingen qujat mátininde.
Almas Sádýbaev 1984 jyly Jambyl oblysynda dúnıege kelgen, bilimi joǵary.
2005 jyly M.H.Dýlatı atyndaǵy ýnıversıtettin "Jýrnalıstıka" mamandyǵy boıynsha bitirgen.
Eńbek jolyn 2004 jyly "Qazaqstan-Taraz" telearnasynyń jańalyqtar bóliminiń redaktory bolyp bastaǵan.
2005-2008 jyldary, jańalyqtar bóliminiń redaktory, "Qazaqstan ulttyq telearnasy" AQ PR-dırektory;
2008-2010 jyldary respýblıkalyq "Zań" gazeti jáne jýrnalynyń bas redaktory; 2010 jyly- Joǵarǵy sot tóraǵasynyń baspasóz hatshysy;
2010-2011 jyldary- prezıdent ákimshiliginiń sarapshysy;
2011-2015 jyldary "QR IIB Medıa ortalyǵynyń" bas dırektory, Ishki ister mınıstriniń baspasóz-hatshysy bolǵan.
Jańa qyzmetine deıin Ishki ister mınıstrligi memlekettik til jáne aqparat departamentiniń dırektory laýazymyn atqaryp kelgen.
