تۇركىستان وبلىسى پوليتسيا دەپارتامەنتىنىڭ قىزمەتكەرلەرى دارىحانالارداعى ءدارى-دارمەكتەردى زاڭسىز ساتۋ فاكتىلەرىن بولدىرماۋعا باعىتتالعان رەيد وتكىزدى، – دەپ حابارلايدى Polisia.kz. قورىتىندىسىندا وبلىس اۋماعىندا بەس ءدارى-دارمەكتەر مەن مەديتسينالىق قۇرىلعىلداردى زاڭسىز ساتۋ فاكتىلەرى انىقتالدى. تۇركىستان قالاسىنىڭ اۋماعىندا جۇرگىزىلگەن جەدەل ءىس-شارالارى كەزىندە پوليتسيا قىزمەتكەرلەرى قالالىق ءدارىحانالاردىڭ ءبىرىنىڭ فارماتسەۆتىن Cef-3 ءدارى-دارمەكتەرىن ۇلكەن كولەمدە ساتىپ جاتقان جەرىنەن ۇستادى. ساتۋشى 336 قوراپتى 1500 تەڭگەدەن 405 000 تەڭگەگە ساتقان. ال، دارىحانالارداعى ءبىر قوراپتىڭ قۇنى – 1300 تەڭگە. ودان ءارى، الەۋمەتتىك جەلىلەردى باقىلاۋ بارىسىندا كريمينالدىق پوليتسيا قىزمەتكەرلەرى سارىاعاش تۇرعىنىنىڭ مەديتسينالىق ماسكالاردى زاڭسىز ساۋدالانعانىن انىقتادى. تۇرعىننىڭ كولىگىن تەكسەرۋ كەزىندە ءتارتىپ ساقشىلارى تاعى 4950 دانا مولشەردە مەديتسينالىق ماسكا تاركىلەدى. سول كۇنى ارىس اۋدانىندا پوليتسيا قىزمەتكەرلەرى “اسكوربين قىشقىلىن” ارىس قالاسىنداعى ءدارىحانالاردىڭ بىرىنەن 700 تەڭگەدەن ساتىلعانىن انىقتاعان. بولشەك ساۋدادا اتالعان ءدارى باعاسى 300 تەڭگە. بارلىق انىقتالعان فاكتىلەر بويىنشا تەكسەرۋ جۇرگىزىلىپ، قازاقستان رەسپۋبليكاسىنىڭ زاڭناماسىنا سايكەس ارنايى شارالار قابىلداناتىن بولادى. تۇركىستان وبلىسىنىڭ پوليتسياسى ءدارى-دارمەكتەردىڭ قىمبات باعامەن، ءارى زاڭسىز ساتىلۋىنا كۋا بولعان تۇرعىنداردى پوليتسيانىڭ “102” تەلەفونىنا حابارلاسۋعا شاقىرادى.
Polisia.kz
