بالالاردى قاربىزدىڭ قابىعىن جەۋگە ماجبۇرلەگەن ەر ادام ۇستالدى (ۆيدەو)

842

تۇركىستان وبلىسىنىڭ پوليتسەيلەرى بالالاردى قاربىزدىڭ قابىعىن جەۋگە ماجبۇرلەگەن ەر ادامدى تاپتى. مالىمەتتى  تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى تاراتتى.

"الەۋمەتتىك جەلىلەرگە مونيتورينگ جۇرگىزۋ كەزىندە تۇركىستان وبلىسى پوليتسيا دەپارتامەنتىنىڭ قىزمەتكەرلەرىنىڭ نازارىنا اۋزىنا كەلگەن بىلاپىت ءسوزدى ايتىپ، ەكى كىشكەنتاي ۇل بالانى بالاعاتتاپ، ولارعا قاربىزدىڭ قابىعىن جەگىزىپ، سونى ءوزى ۆيدەوعا ءتۇسىرىپ تۇرعان ازاماتتىڭ بەينەجازباسى ىلىكتى.

ءبىر تاۋلىك ىشىندە پوليتسەيلەر قوعامدىق رەزونانس تۋدىرعان بەينەجازبانىڭ اۆتورىن انىقتاپ، ۇستادى. ول ورداباسى اۋدانىنىڭ تۇرعىنى بولىپ شىقتى. بەينەگە تۇسىرىلگەن جايت 2019 جىلدىڭ تامىز ايىندا بولعان. ەر ادام ءوز كىناسىن تولىق مويىندادى. سونداي-اق، پوليتسەيلەر بالالاردى دا تاپتى. ولاردىڭ اتا-انالارى پوليتسياعا اتالمىش قۇقىق بۇزۋشىنى جاۋاپكەرشىلىككە تارتۋ ءۇشىن ارىز بەرۋگە نيەتتى ەكەندىكتەرىن جەتكىزدى", - دەلىنگەن.

 

"ادىرنا" ۇلتتىق پورتالى

پىكىرلەر
رەداكتسيا تاڭداۋى