الماتى اكىمى ينستاگرام جەلىسىندە پنەۆمانيا ىندەتى ءورشىپ تۇرعانىن ايتتى.
"بۇگىندە كوروناۆيرۋستىڭ تارالۋىنا بايلانىستى قالالىق دەنساۋلىق ساقتاۋ جۇيەسىنىڭ بارلىق مۇمكىن رەسۋرستارى جۇمىلدىرىلدى. جۇقپالى جانە پروۆيزورلىق ستاتسيونارلاردان بولەك، نەگىزگى سالماق العاشقى مەديتسينالىق-سانيتارلىق كومەك قىزمەتىنە جۇكتەلدى.
بۇگىنگى قالىپتاسقان جاعدايدا «ۆيرتۋالدى جۇقپالى اۋرۋلار اۋرۋحاناسى» اشىلدى. ەمحانالاردا COVID-19 دياگنوزى راستالعان جانە سيمپتومدارى بار پاتسيەنتتەردى مونيتورينگىلەۋ بويىنشا ءموبيلدى بريگادالار قۇرىلدى. اسفەندياروۆ مەدۋنيۆەرسيتەتىمەن بىرلەسىپ، كارديولوگيا جانە ىشكى اۋرۋلار عزي بازاسىندا پاتسيەنتتەرگە مونيتورينگ جۇرگىزەتىن ورتالىق اشتىق. بۇل بىزگە امبۋلاتورلىق دەڭگەيدە، اسىرەسە قارتتار اراسىنداعى اسقىنۋلاردى ازايتۋعا مۇمكىندىك بەرەدى.
تەك سوڭعى ايدا قالادا جرۆي مەن پنەۆمونيا اۋرۋلارىنىڭ سانى 5 ەسە ءوستى. مۇنى ىندەتتىڭ كورىنىسى رەتىندە قاراستىرىپ وتىرمىز. بۇل رەتتە جەدەل جاردەم قىزمەتىنە جۇگىنۋشىلەردىڭ سانى كۇرت كوتەرىلگەن. ماۋسىم ايىندا تاۋلىگىنە 4 مىڭعا دەيىن قوڭىراۋ تۇسكەن." - دەدى
https://www.instagram.com/p/CCLMdFKhZ8Z/?utm_source=ig_web_copy_link
