قاتاڭ رەجيمدەگى كارانتين كەرەك پە؟ الدە وعان جۇمسالاتىن قىرۋار قارجىنى حالىقتى ساقتاندىرۋ، اۋرۋدىڭ الدىن الۋ باعىتىنداعى اقپاراتتاندىرۋعا، اۋىرعان ازاماتتاردى تەز ساۋىقتىرۋعا (سپورت كەشەندەرى مەن قوناقۇيلەردى ەمحاناعا اينالدىرىپ، كەرەك قۇرالدارمەن جابدىقتاۋعا، وتانداستارىمىزدى قاجەتتى ءدارى-دارمەكپەن قامتاماسىز ەتۋگە) جۇمساعان ءتيىمدى مە؟
كارانتين كەزىندە اقپاراتتاندىرۋ بويىنشا تولىقتاي ۇتىلدىق. حالىقتىڭ كوپشىلىگى ءتىپتى كوۆيدتىڭ بار ەكەندىگىنە كۇمانمەن قارادى. سونداي-اق، بولىنگەن قىرۋار قارجىنى دا ءتيىمدى پايدالانا المادىق. ناتيجەسى ءنول. دەمەك قارجى دالاعا، ساي-سالاعا كەتتى. 42500 تەڭگەنى تاراتۋ كەزىندە دە حالىقتىڭ كوپتەپ شوعىرلانۋىنا جول بەردىك. مەديتسينامىزدىڭ مۇلدەم دايىن ەمەستىگىن كورىپ وتىرمىز. ازاماتتارىمىزدى ەمدەۋ بىلاي تۇرسىن، اقىلى بولسا دا تەست تاپسىرا الماي وتىر. تاپسىرعاندارى ناتيجەسىن بىلە الماي جاتىر. اۋىرۋحاناداعى جاعدايدى ايتپاي-اق قويايىن.
مەنىڭشە قاتاڭ كارانتين قاجەت ەمەس. حالىق ونسىز دا بارىنشا ساقتانۋعا دايىن. ودان كورى اقپاراتتاندىرۋعا، اۋىرعان ازاماتتارىمىزدى تەزدەتىپ ساۋىقتىرۋعا كوڭىل ءبولۋ كەرەك. قارجىنى كەرەك ءدارى- دارمەكتى بارىنشا ارزانداتۋعا، جىلدام ءارى ارزان تەست تاپسىرۋ مۇمكىنشىلىگىنە، مەديتسينالىق قاجەتتى قۇرال-جابدىققا ءبولۋ كەرەك.
قايرات جولدىبايۇلىنىڭ فەيسبۋك پاراقشاسىنان
