قاتاڭ كارانتيندى قازاقستانعا قايتادان قايتارۋ كەرەك، - دەپ مالىمدەدى قازاقستان پرەزيدەنتى قاسىم-جومارت توقاەۆ.
«اعىمداعى ەپيدەميولوگيالىق جاعدايدى تۇراقتاندىرۋ بويىنشا شۇعىل شارالاردى قابىلداۋ ءۇشىن، مەملەكەتتىك كوميسسياعا وسى جىلدىڭ ناۋرىز-مامىر ايلارىنداعىداي قاتاڭ كارانتين ەنگىزۋ تۋرالى ۇسىنىستى ازىرلەۋدى جانە ماعان ەنگىزۋدى تاپسىرامىن»، - دەدى مەملەكەت باسشىسى كوروناۆيرۋستىق ينفەكتسيانىڭ تارالۋىنا قارسى تۇرۋ جونىندەگى كەڭەس بارىسىندا.
پرەزيدەنت سونداي-اق ۆەدومستۆوارالىق كوميسسيا وزىنە جۇكتەلگەن مىندەتتى اتقارۋعا شاماسى جەتپەدى. مۇنى اشىق مويىنداۋ كەرەك دەپ مالىمدەدى.
قاسىم-جومارت توقاەۆ ادامداردىڭ ارقايسىسى جۇمىسقا بارۋدى ويلاعانىن، كاسىپكەرلىك ارقىلى ەكونوميكالىق جاعدايىن تۇزەۋگە ۇمتىلعانىن، تۋىستارى مەن جاقىندارىنا قوناق بولۋعا اسىققانىن ايتا كەلە، ەلىمىزدە ەپيدەميانىڭ ەكىنشى تولقىنى بەلەڭ العانىنا توقتالدى. جاعدايدى قايتا باقىلاۋدا ۇستاۋ ءۇشىن كەزەك كۇتتىرمەيتىن شارالار قابىلداۋ قاجەتتىگىن ەسكەرتتى.
ەسكە سالايىق، كەزدەسۋ بارىسىندا پرەزيدەنت شىمكەنت، اقتوبە جانە پاۆلودار وبلىستارىنىڭ اكىمدەرىنە، سونداي-اق ۆەدومستۆوارالىق كوميسسيانىڭ جەتەكشىسى ەرالى توعجانوۆقا سوگىس جاريالادى.
سونداي-اق، نۇر-سۇلتان جانە الماتى قالالارىنىڭ اكىمدەرى التاي كولگىنوۆ پەن باقىتجان ساعىنتاەۆ، تسيفرلىق دامۋ، يننوۆاتسيا جانە اەروعارىش ونەركاسىبى ءمينيسترى اسقار جۇماعاليەۆكە ەسكەرتۋلەر ايتىلدى.
ەستەرىڭىزگە سالا كەتەيىك، ەلدە، رەسمي مالىمەتتەرگە سايكەس، 21 327 ينفەكتسيا جاعدايى تىركەلدى، ونىڭ ىشىندە 12 933-ءى ەمدەلۋدەن كەيىن قالپىنا كەلدى، 183-ءى قايتىس بولدى. اۋىرىپ جاتقاندار 8,2 مىڭ ادام. كوروناۆيرۋستى كلينيكالىق بەلگىلەرى جوق جۇقتىرعانداردىڭ سانى 16 639 ادامدى قۇرايدى.
ءبىر اپتا ىشىندە سيمپتومسىز ادامدار سانى ەكى ەسە ءوستى - 9809-دان 15 573 ادامعا دەيىن.
"ادىرنا" ۇلتتىق پورتالى
