مارك تسۋكەربەرگتىڭ جۇرت بىلمەيتىن قۇپيالارى

1205

مارك تسۋكەربەرگ جاس ميللياردەر اتاعىنا بار بولعانى 23 جاسىندا قول جەتكىزدى. ونىڭ بايلىعى كۇننەن-كۇنگە ارتۋ ۇستىندە.  ميللياردەر ەسىمى بارلىق الەمگە ءمالىم، سەبەبى ول تانىمال الەۋمەتتىك جەلى Facebook-تى ويلاپ تاپتى. تسۋكەربەرگ قانداي وتباسىدان شىقتى؟ جاس جىگىت قىسقا مەرزىمنىڭ ىشىندە بايلىققا قالاي قول جەتكىزدى؟ونىڭ سىرى نەدە؟ بىلگىڭىز كەلسە، ماقالاعا نازار سالىڭىز!

 بالالىق شاق

 بولاشاق ميللياردەر 1984 جىلى ەۆرەيلەر وتباسىندا دۇنيەگە كەلگەن. ونىڭ اتا-اناسى مەديتسينا سالاسىندا قىزمەت اتقارادى. Facebook-تىڭ نەگىزىن سالۋشى وتباسىنداعى جالعىز ۇل. ونىڭ ءۇش اپكەسى بار. بالاسى ون جاسقا تولعاندا اكەسى ەدۆارد مارككە كومپيۋتەر ساتىپ الىپ بەرەدى. سول كەزدەن باستاپ ول كومپيۋتەرلىك ويىنداردى ويلاپ تابا باستايدى. تسۋكەربەرگتىڭ ديپلومدىق جۇمىسى Synapse باعدارلاماسىن قۇراستىرۋ بولاتىن. بۇل باعدارلاما جەلى قولدانۋشىلارىنىڭ مۋزىكالىق تالعامدارىن تاني الاتىن ەدى. وسىدان كەيىن مايكراسوفت كومپانياسى وعان جۇمىس ۇسىنادى، الايدا مارك ودان باس تارتتى.

 پسيحولوگيا فاكۋلتەتىنە وقۋعا تۇسەدى

پروگراممالاۋ سالاسىنداعى جەتىستىكتەرىنە قاراماستان  قاراماستان 18 جاسار مارك گارۆاردتىڭ پسيحولوگيا فاكۋلتەتىنە تۇسەدى. ارينە، بۇل شەشىمگە اناسى اسەر ەتەدى. بىراق جاس جىگىت باعدارلامالاۋداعى تاجىريبەلەرىن توقتاتپادى. ول ۋنيۆەرسيتەتتە ءوزى سەكىلدى جاستاردى  تاۋىپ، باعدارلامالار قۇرا باستايدى. بىرىنشىدەن، جاس پروگرامميست گارۆارد ستۋدەنتتەرىن ءبىر-بىرىمەن بايلانىستىرا الاتىن جانە تاقىرىپتار بويىنشا اقپارات الماسا الاتىن باعدارلاما قۇرادى.

مارك گارۆارد ستۋدەنتتەرى قارىم-قاتىناس ورناتىپ قانا قويماي، باسقا ستۋدەنتتەردىڭ پروفيلدەرى مەن فوتوسۋرەتتەرىن كورە الاتىن، ءلۇپىل باسا الاتىن جانە سۇيىكتى فوتولارىن بەلگىلەي الاتىن جەلىنى قۇرعىسى كەلەدى. وسىلايشا دوستارى داستين موسكوۆيتس، كريس حيۋز جانە ەدۋاردو ساۆەرينمەن بىرگە ول كەيىننەن Facebook دەپ اتالاتىن جاڭا باعدارلامانى قۇراستىرادى.

 ارمانىن ورىنداۋ ءۇشىن گارۆارد ۋنيۆەرسيتەتىنەن شىعىپ كەتتى

 مارك تسۋكەربەرگتى پسيحولوگيا سالاسى قىزىقتىرا قويمايدى. سول سەبەپتى ول 2004 جىلدىڭ ماۋسىم ايىندا گارۆاردتان كەتىپ، كاليفورنيانىڭ پالو-التو قالاسىنا كوشەدى. پروگرامميست وقۋ ءۇشىن جيناعان بارلىق اقشاسىن Facebook كومپانياسىنا قۇيىپ، باس ديرەكتور اتانادى.

2005 جىلى مارك 200 مىڭ دوللار تۇراتىن "facebook.com"دومەنىن ساتىپ الادى. سودان كەيىن ونىڭ الەۋمەتتىك جەلىسىن ءبىر جىلدا 5 ميلليون ادام قولدانىپ،مارك ۇلكەن جەتىستىككە جەتەدى. ال 2007 جىلى مايكروسوفت Facebook-ءتى رەسمي تۇردە 15 ميلليون دوللارعا باعالاپ، اكتسيالارىن ساتىپ الادى.

الەۋمەتتىك جەلىنى قۇراستىرۋداعى قيىندىقتار

Facebook وڭايلىقپەن دۇنيەگە كەلمەدى. ونى قۇراستىرۋدا مارك تسۋكەربەرگ بىرنەشە رەت تاجىريبە جۇمىستارىن جۇرگىزىپ، وزىنە ينۆەستور ىزدەدى. الەۋمەتتىك جەلى ىسكە قوسىلعانناە كەيىن پروگرامميستتىڭ ەكى دوسى ونى سوتقا بەرەدى. ولار مارككە ءبىزدىڭ يدەيامىزدى ۇرلاپ الدى دەگەن جالا جابادى. الايدا، بۇل ىستەرى ءساتسىز اياقتالادى.

جاس ميللياردەردىڭ تابىسى

Facebook الەۋمەتتىك جەلىسىندەگى ۇلكەن جەتىستىكتەر تسۋكەربەرگكە اتاق پەن باقىت اكەلدى. قازىرگى ۋاقىتتا ول كومپانيانىڭ 28%-ىنا يەلىك ەتەدى. بۇل يەلىك 2010 جىلى تسۋكەربەرگتى ميللياردەر ەتتى. سول كەزدىڭ وزىندە ونىڭ كاپيتالى 4 ملرد دوللار شاماسىندا بولدى. بۇگىندە مارك تسۋكەربەرگ ويلاپ تاپقان فەيسبۋكك جەلىسىنە اي سايىن 1,98 ميلليارد قولدانۋشى كىرەدى. بۇل تاڭعاجايىپ كورسەتكىش.

جەكە ءومىرءى

 مارك تسۋكەربەرگ 28 جاسىندا پريستسيللا چانگا ۇيلەنەدى. ەكەۋى ۋنيۆەرسيتەت قابىرعاسىندا تانىسقان. بولاشاق ميللياردەر قىزىنىڭ قاراپايىمدىلىعىن ۇناتقان. مارك پەن پريستسيللا ءومىردىڭ قيىندىقتارىنا بىرگە توتەپ بەرگەن جاندار. تسۋكەربەرگتىڭ جۇبايى 3 رەت قۇرساق كوتەرىپ، تۇسىك تاستاعان بولاتىن. وسىنداي قيىن كەزەڭدە مارك وعان قولداۋ كورسەتتى. بۇگىندە ەرلى-زايىپتىلاردىڭ ەكى بالاسى بار.

قايىرىمدىلىق

مارك تسۋكەربەرگ پەن پريستسيللا چان Facebook اكتسيالارىنىڭ 99%-ىن قايىرىمدىلىققا جۇمسايدى. ولاردىڭ  «Chan Zuckerberg Initiative» دەپ اتالتىن قايىرىمدىلىق قورى بار. بۇل قور تۇڭعىش قىزدارىنىڭ قۇرمەتىنە قۇرىلدى. بۇگىندە كومەككە مۇقتاج ادامدارعا كومەكتەسۋمەن اينالىسادى.

مارك تسۋكەربەرگ كوپتەگەن كەدەرگىلەردى ەڭسەرىپ، ءوز ارمانىنا جەتە ءبىلدى. ءسىز دە ءوز ارمانىڭىزدى ورىنداي الاسىز. ەڭبەكتەنىڭىز، توقتاپ قالماڭىز!

 

ديانا اسانوۆا، «ادىرنا» ۇلتتىق پورتالى.

پىكىرلەر
رەداكتسيا تاڭداۋى