«Social Development Center» قوعامدىق قورى الماتى قالاسى قوعامدىق دامۋ باسقارماسىنىڭ مەملەكەتتىك الەۋمەتتىك تاپسىرىسى اياسىندا جۋرناليستەر مەن باق اراسىندا ءدىن سالاسىنداعى وزەكتى ماسەلەلەر تۋرالى بىرنەشە نوميناتسيالار بويىنشا ۇزدىك ماتەريالدارعا بايقاۋ جاريالانادى.
بايقاۋدىڭ ماقساتى:
- قازاقستان رەسپۋبليكاسىنىڭ قوعام نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ.
- بۇقارالىق اقپارات قۇرالدارى، ياعني جۋرناليستەر ارقىلى تۇرعىنداردى مەملەكەتتىك ساياساتتىڭ ءدىن سالاسىنداعى ءار ءتۇرلى باعىتتارى، قوعامداعى كونفەسسياارالىق كەلىسىمنىڭ نىعايتىلۋى جانە ساقتالۋىنا باعىتتالعان ماڭىزدى ءىس-شارالار جونىندە حاباردار ەتۋ.
- ءدىن سالاسىنداعى وزەكتى ماسەلەلەر بويىنشا جۋرناليستەرگە جانە باق-قا ماتەريالداردى قولداۋ.
بايقاۋ نوميناتسيالارى:
كونكۋرس كەلەسى نوميناتسيالار بويىنشا وتكىزىلەدى:
- ەڭ ۇزدىك تەلەۆيزيا جانرى;
- مەرزىمدى باسپاسوزدەگى قازاق تىلىندەگى ەڭ ۇزدىك پۋبليتسيستيكالىق ماقالا;
- مەرزىمدى باسپاسوزدەگى ورىس تىلىندەگى ەڭ ۇزدىك پۋبليتسيستيكالىق ماقالا;
- ينتەرنەت-رەسۋرستاعى قازاق تىلىندەگى ەڭ ۇزدىك ماقالا;
- ينتەرنەت-رەسۋرستاعى ورىس تىلىندەگى ەڭ ۇزدىك ماقالا;
- ينتەرنەت جەلىسىندەگى ەڭ ۇزدىك بەينەروليك;
- ەڭ بەلسەندى بلوگەر;
بايقاۋ شارتتارى:
بايقاۋعا جەرگىلىكتى بۇقارالىق اقپارات قۇرالدارىنىڭ جۋرناليستەرى، الماتىدا جۇمىس ىستەيتىن رەسپۋبليكالىق بۇقارالىق اقپارات قۇرالدارىنىڭ تىلشىلەرى، سونداي-اق الماتىدا تىركەلگەن ساراپشى عالىمدار مەن تاۋەلسىز پۋبليتسيستەر قاتىسا الادى
بايقاۋعا قاتىسۋ ءۇشىن بەرىلگەن تاقىرىپقا سايكەس كەلەتىن ەرەكشە اۆتورلىق جۇمىستار قابىلدانادى.
بايقاۋعا كەز-كەلگەن ءدىني اعىمدار مەن كوزقاراستاردى ناسيحاتتايتىن، دىنارالىق، ەتنوسارالىق ارازدىقتى قوزدىراتىن، ءدىني ەكسترەميزم يدەيالارىن جانە سوت شەشىمى بويىنشا ەكسترەميستىك دەپ تانىلعان، قازاقستاندا تىيىم سالىنعان ۇيىمداردىڭ يدەيالارىن ناسيحاتتايتىن جۇمىستار قابىلدانبايدى.
ءبىر اۆتوردان نەمەسە اۆتورلار ۇجىمىنان بەرىلەتىن جۇمىستاردىڭ سانى شەكتەلمەگەن.
ءبىر اۆتور بىرنەشە نوميناتسيا بويىنشا قاتىسا الادى.
جازبالار ەكى تىلدە قابىلدانادى: قازاق جانە ورىس.
بايقاۋ باق-تا 2020 جىلدىڭ 21 ءساۋىرى مەن 1 قازان ارالىعىندا جاريالانعان ماتەريالداردى قابىلدايدى.
ءوتىنىش بەرۋ ءۇشىن قاتىسۋشىلار باي̆قاۋ جۇمىستارىن baiqau2020@gmail.com ەلەكتروندى ادرەسىنە جىبەرۋلەرى كەرەك. وتىنىشتە كەلەسى اقپارات بولۋ كەرەك:
1). اۆتوردىڭ اتى-ءجونى، جاسى، تەلەفونى، جۇمىس ورنى تۋرالى اقپارات (باق نەمەسە باسقا ۇيىم اتاۋى)
2). Pdf نەمەسە word فورماتىنداعى ماتەريالدىڭ ەلەكتروندى نۇسقاسى جانە باق-تا جاريالانعان پاراقشاعا سىلتەمە
3). حاتتىڭ تاقىرىبىندا جۇمىس نوميناتسيالاردىڭ قايسىسىنا ۇسىنىلعانىن كورسەتۋ كەرەك
بايقاۋ كەزەڭدەرى:
قاتىسۋشىلاردان ماتەريالداردى قابىلداۋ (1 قازانعا دەيىن);
ماتەريالداردى باعالاۋ جانە جەڭىمپازداردى انىقتاۋ (2-14 قازان);
بايقاۋ جەڭىمپازدارىن سالتاناتتى تۇردە ماراپاتتاۋ (15-30 قازان ارالىعىندا).
كونكۋرس جەڭىمپازدارىن ماراپاتتاۋ:
بايقاۋدىڭ ۇيىمداستىرۋ كوميتەتى وتكىزگەن جەڭىمپازداردى 5 ادامنان تۇراتىن قازىلار القاسى تاڭدايدى. ماراپاتتاۋ الدىندا قازىلار القاسى جاريالانبايدى. ءار نوميناتسيا بويىنشا جەڭىمپازدار كەم دەگەندە 100 مىڭ تەڭگە كولەمىندە باعالى سىيلىقتارمەن ماراپاتتالادى. سونىمەن قاتار، 10 ىنتالاندىرۋ سىيلىعى بار.
"ادىرنا" ۇلتتىق پورتالى
قوسىمشا بايلانىس:
+77022319393 ءبىرجان
+77017559797 بەيبىت
