شىمكەنت قالاسىنىڭ اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمالارىنىڭ قىزمەتكەرلەرى، جەرگىلىكتى پوليتسيا قىزمەتكەرلەرى جانە اۋداندىق اكىم اپپاراتتارىنىڭ كاسىپكەرلىكتى قولداۋ ءبولىمى قىزمەتكەرلەرىنەن قۇرىلعان مونيتورينگ توپتارى شىمكەنت قالاسىنىڭ جىبەك جولى، رىسقۇلوۆ، الدياروۆ، ماقتالى، ۋاليحانوۆ، نۇرشاشۋ، م.مامەتوۆا، ماقتالى، ب.مومىشۇلى، قازيەۆ، قابانباي باتىر، جانگەلدين، بايتۇرسىنوۆ، تاجىباەۆ، ەرمانوۆ، تولە بي، ارعىنبەكوۆ، بايدىبەك بي، تورەقۇلوۆ كوشەلەرى، بايدىبەك بي داڭعىلى، «تەرىسكەي» مولتەك اۋدانى، «شاپاعات» مولتەك اۋدانى، «اۆتو-نۇر» بازارى، «بوزارىق» ساياجايىندا ورنالاسقان نىساندارعا مونيتورينگ جۇرگىزدى.
وسىلايشا ماماندار 77 نىساندى تەكسەردى. ونىڭ ىشىندە تاماقتانۋ ورىندارى مەن بازارلار سونداي-اق، ءوندىرىس ورىندارى دا بار.
سونىمەن قاتار، بۇگىن شىمكەنت قالاسىنىڭ 8 ساياباعى، 37 گۇلزار مەن 4094 ايالداماسى زالالسىزداندىرىلدى.
قوعامدىق كولىكتەر دە كوروناۆيرۋسقا قارسى دارىلەندى. اتاپ ايتار بولساق، دەزينفەكتسيالاۋ جۇمىستارىنا 64 اۆتوپارك، 323 باعىتتاعى اۆتوبۋس قامتىلدى.
مونيتورينگپەن قامتىلعان نىسانداردىڭ بارلىعىندا كوروناۆيرۋستىق ينفەكتسيانىڭ (COVID -19) تارالۋىنا جول بەرمەۋ جونىندە سانيتاريالىق-اعارتۋ، تۇسىندىرمە جۇمىستارى جۇرگىزىلدى. الدىن الۋ شارالارى جونىندە كەڭەستەر بەرىلدى.
شىمكەنت
