ورىس پەن ارابقۇلدارعا قارسى يممۋنيتەت وياندى

(ۆاحابو-سالياف-يتتەر دەگەن تەرميننىڭ اۆتورى مەن ەكەنىمدى ەسكەرتە سالايىنشى)
مۇسىلماندىقپەن ارابتىقتى اجىراتا باستادى حالىق. ء"داتىم شىداپ" 10-شاقتى ماقالا جازعانمىن جوعارىداعى توپتار جايلى. قازىرگى تاڭىرلىك دۇنيەتانىم جايلى دا جازىپ جاتىرمىز.

جالپى ءبىز ايتىپ وتىرعان "مۇسىلمانشىلىقتان جەرىنۋ" بولىپ كورىنەتىن پروتسەسستەن قورقۋدىڭ قاجەتى جوق. بۇل ۋاقىتشا قۇبىلىس. سالت-ءداستۇرىمىزدى تارك ەتكەن ۆاحابو-ساليافيتتەردىڭ تىقپالاعان دۇنيەلەرىنىڭ، بىزدەر كۇتپەگەن جەردەن ء"ا!" دەپ تاۋەلسىزدىك الىپ، ءتۇسىپ قالعان "شوكوۆىي" كەزەڭدە، بىزدەردىڭ دۇنيەتانىمىمىزعا ەندىرىپ جىبەرگەنىمەن، سىڭدىرە الماعان ارابتىق بولمىستارىن كەرى قايتارۋدامىز.

ءبىر سوزبەن ايتسام، اشۋلانسا قۇدايىن دا قارعاپ الىپ، ارتىنان ناماز ۋاقىتى بولىپ قالدى دەپ قۇمانىن ىزدەپ كەتە باراتىن مىنەزى بار قازاققا، "قۇدايدىڭ قۇلى بولۋىڭ كەرەك" دەگەن قۇلدىق تۇسىنىكتى مۇرنىمىزدان ماي قىلىپ قۇيساڭدا سىڭىرە المايسىڭ. قازىر سول قۇبىلىس بايقالىپ كەلەدى. ودان شوشىنۋدىڭ كەرەگى جوق.

دىننەن قازاق ەشقاشان اجىرامايدى. تەك، "كىرمەلەرگە ەرمەلىكپەن" جۇرگەن توپتاردىڭ "جەگىزگەنىن سىڭىرە الماي، زاپراننان قول سالىپ" قۇسىپ قۇتىلۋ كەزەڭىندەمىز. مۇنداي "ەمدەلۋ كەزىڭىندە" جاقسىسى دا، جامانى دا سىرتقا بىرگە كەتەرى حاق.
بۇلار جامان نارسە بولعاننىڭ وزىندە ء"بىر اۋىرىپ جازىلعان" ءجون. يممۋنيتەت سولاي قالىپتاسادى عوي.

قازاققا "قۇدايدان قورىقپايتىن ادام ەكەنسىڭ" دەگەن سوزدەن "ۇياتىڭ جوق ادام ەكەنسىڭ" دەگەنى  نەلىكتەن قاتتى تيەتىنىن ويلانساڭ، ارعى جاعىندا جاۋابى قول سوزىم جەردە تۇر.

ال، ەندىگى كەزەك جۇيەلى تۇردە ۇلىقتالىپ جاتقان "باتىستىق بولمىسقا" كەلىپ تۇر. بۇلاردىڭ ىقپالىنان اجىراۋ وتە قيىنعا سوعادى. ويتكەنى، ماتەريالدىق قۇندىلىقتارىمەن جاۋلاپ الدى. سانانى تۇرمىس بيلەيتىنىن ەسكەرسەك، تۇرمىسىمىز تۇزەلگەنشە ىقپالدارى الاپات بولماق.

بىراق، مەنىڭ كوزىمنىڭ جەتكەنى – قازاقتىڭ ىشىندە "پرۋجينا" بار. ءبارىن ءسىڭىرىپ-ءسىڭىرىپ كەلىپ، بىراق كۇندە دالاعا "اتىپ" جىبەرەدى.

وي سالسا ويلانارسىز!

رۇستەم اشەتاەۆ