ءماجىلىس توراعاسى نۇرلان نىعماتۋلين مەملەكەتتىك بيۋدجەتتىڭ كىرىس بولىگىنىڭ ۇشتەن ءبىرى، ال شىعىس بولىگىنىڭ تورتتەن ءبىرى ۇلتتىق قوردىڭ ەسەبىنەن قالىپتاسىپ وتىرعانىن، ۇلتتىق قوردىڭ اقشاسى وڭدى-سولدى جۇمسالىپ جاتقانىن سىنعا الدى. بۇل تۋرالى Sputnik حابارلادى.
ءماجىلىس دەپۋتاتى ءجاميلا نۇرمامبەتوۆانىڭ ايتۋىنشا، ءبىلىم جانە عىلىم مينيسترلىگىنە وتىز ۋنيۆەرسيتەتتە كوۆوركينگ ورتالىعىن اشۋعا 663 ميلليون تەڭگە بولىنگەن. قاراجات ۇلتتىق قوردىڭ ماقساتتى ترانسفەرتتەرىنەن باعىتتالعان. الايدا اقشا ءجۇز پايىز يگەرىلمەگەن.
"ياعني، ەلدىڭ جوعارى وقۋ ورىندارىندا جوسپارلانعان بىردە ءبىر كوۆوركينگ ايماق اشىلعان جوق. ەگەر ۋنيۆەرسيتەتتەر كوۆوركينگ ورتالىقتارىن وزدەرى اشۋعا مۇمكىندىگى بولسا، ۇلتتىق قوردان اقشا بولۋگە قانداي قاجەتتىلىك تۋدى؟", دەپ سۇرادى ول ءبىلىم جانە عىلىم مينيسترىنەن.
اسحات ايماعامبەتوۆ كوۆوركينگ ورتالىقتارىن بيۋدجەتتەن اقشا شىعارماي اشۋ مۇمكىندىگى بولعاندىقتان، 663 ميلليون تەڭگە بيۋدجەتكە كەرى قايتارىلعانىن ايتتى.
"بۇل كوۆوركينگ ورتالىقتار اشىلادى. ماقساتقا قول جەتكىزەمىز. قازىردىڭ وزىندە بەس ورتالىق اشىلدى. قالعان جيىرما بەسى كەلەسى جىلدىڭ باسىندا اشىلادى", – دەدى مينيستر.
بىراق، ءماجىلىس توراعاسى نۇرلان نىعماتۋلين ايماعامبەتوۆتىڭ جاۋابىنا قاناعاتتانبادى.
ايتۋىنشا، مينيستر دەپۋتاتتىڭ ساۋالىن دۇرىس تۇسىنبەگەن. ماجىلىسمەن كوۆوركينگ ورتالىقتاردىڭ اشىلۋى تۋرالى ەمەس، نەگە ولارعا ۇلتتىق قوردان اقشا بولىنگەنىن سۇرادى.
ء"سىز، قاتەلەسپەسەم، بىلتىر جازدا مينيستر بولدىڭىز. سوندىقتان وسى كوۆوركينگ ورتالىقتارعا بولىنگەن ميلليون دوللارلار تۋرالى بىلمەيتىن دە شىعارسىز. كوۆوركينگ ورتالىق دەگەن نە، الدىمەن، سونىڭ باسىن اشىپ الۋ كەرەك ەدى. ول جاي عانا سۇقباتتاسۋ، اڭگىمەلەسۋ الاڭى، اتالعان جاعدايدا جۇمىس بەرۋشىلەر مەن ستۋدەنتتەردىڭ قارىم-قاتىناس الاڭى. قازىر ءبارىن شەتەلدىڭ ادەمى سوزدەرىنە اۋىستىرىپ، كوپ اقشا الادى دا، ونى كەيىن يگەرمەيدى. ايتىڭىزشى، بۇل ۇلتتىق قوردان اقشا الاتىنداي سونشالىقتى ۇلكەن پروبلەما ما ەدى؟. مەن ولاي دەپ ويلامايمىن", – دەدى نىعماتۋلين.
ءماجىلىس توراعاسى كوۆوركينگ ورتالىقتاردى اشۋعا ۇلتتىق قوردان قارجى بولۋگە قانداي قاجەتتىلىك تۋعانىن ۇلتتىق ەكونوميكا ءمينيسترى رۋسلان دالەنوۆتەن سۇرادى.
مينيستر نىعماتۋليننىڭ "ۇلتتىق قوردىڭ اقشاسىن شاشۋعا بولمايدى" دەگەنىمەن كەلىسكەننەن باسقا ماردىمدى ەشتەڭە ايتا المادى.
"ۇلتتىق قوردىڭ قارجىسىن شاشۋعا بولمايدى. ول تۋرالى ەلباسى دا، پرەزيدەنت تە ۇنەمى ايتىپ ءجۇر. سوندىقتان ۇلتتىق قوردىڭ ءار تيىنى قاتاڭ باقىلاۋدا بولۋى قاجەت. ول اقشانى تەك ەرەكشە جاعدايدا عانا الۋعا بولادى", – دەپ ەسكەرتتى سپيكەر.
ءماجىلىس توراعاسىنىڭ ايتۋىنشا، ۇكىمەتكە ءبىر باعدارلامادان ارتىلعان اقشانى ەكىنشى باعدارلاماعا اۋدارۋعا زاڭنامالىق تۇردە مۇمكىندىك بەرىلگەن.
"ەگەر مينيسترلىك ىشىندە ءبىر باعدارلامانىڭ اقشاسى يگەرىلمەسە، سونى كوۆوركينگ ورتالىقتارعا ءبولۋ كەرەك ەدى. مۇنداي قۇزىرەت بار عوي سىزدەردە. پارلامەنتكە كەلمەي-اق، ۇكىمەتتىڭ قاۋلىسىمەن مينيسترلىك ىشىندە بولە بەرۋگە بولادى. كوۆوركينگ ورتالىقتارعا اقشا سۇراعاندا، قارجى مينيسترلىگى، ۇلتتىق ەكونوميكا ءمينيسترى قايدا قارادى؟ قانداي جاۋاپسىزدىق! ءاليحان اسحانۇلى (پرەمەر ءمينيستردىڭ ءبىرىنشى ورىنباسارى) مۇنداي ارەكەتتەردى توقتاتۋ كەرەك", – دەدى نىعماتۋلين.
ونىڭ ايتۋىنشا، قازىر مەملەكەتتىك بيۋدجەتتىڭ كىرىس بولىگىنىڭ ۇشتەن ءبىرى، ال شىعىس بولىگىنىڭ تورتتەن ءبىرى ۇلتتىق قوردىڭ ەسەبىنەن قالىپتاسىپ وتىر.
"بۇل نە، ەرەكشە جاعداي ما؟ ءبىزدىڭ مينيسترلەر اقشانىڭ قايدا جاتقانىن بىلمەيدى. بۇلاي ىستەۋگە بولمايدى، ارىپتەستەر. بار قاراجاتتى يگەرمەيسىزدەر، بارىپ ۇلتتىق قوردان تاعى الاسىزدار. قوردىڭ اقشاسىن وڭدى-سولدى شاشۋعا بولمايدى. ءاليحان، اسحانۇلى، كەلىسىپ الايىق. ءتارتىپ ورناتىڭىزدار", – دەدى ول.
Sputnik.kz
