سولتۇستىك كورەيانىڭ كوشباسشىسى كيم چەن ىن ءۇش اپتادان كەيىن كوپشىلىك الدىنا كوتەرىڭكى كوڭىل-كۇيمەن شىقتى دەپ حابارلايدى «ادىرنا» ۇلتتىق پورتالى lenta.ru-عا سىلتەمە جاساپ.
سوڭعى ەكى ايدا سولتۇستىك كورەيا پرەزيدەنتى بىرنەشە رەت ۇزاق ۋاقىتقا جوعالىپ كەتكەن بولاتىن. ول 24 مامىردا ءۇش اپتالىق ۇزىلىستەن كەيىن العاش رەت كوپشىلىك الدىندا كورىندى. رەسپۋبليكا باسشىسى كوميتەت وتىرىسىن وتكىزىپ، ۇلتتىق قورعانىس كۇشتەرىن نىعايتۋعا قويىلاتىن تالاپتاردى تالقىلادى.
ءساۋىر ايىنىڭ ورتاسىندا كيم چەن ىن اتاسى كيم ير سەننىڭ تۋعان كۇنىندە بولماعان بولاتىن. وسىعان بايلانىستى ساياساتكەردىڭ قايتىس بولۋى نەمەسە اۋرۋى مۇمكىن دەگەن قاۋەسەت پايدا بولدى. الايدا، 2 مامىردا كورەيانىڭ ورتالىق تەلەگراف اگەنتتىگى مەن ەلدىڭ رەسمي باسپا باسىلىمى كيمنىڭ جاڭا زاۋىتتىڭ اشىلۋ سالتاناتىنداعى سۋرەتتەرىن جاريالاندى.
