الماتى وبلىسىندا ساۋدا ۇيلەرى قايتادان جابىلۋدا. قوعامدىق شارالار وتكىزۋگە قاتاڭ تىيىم سالىنادى. قوعامدىق كولىكتەر تەك تاڭەرتەڭ جانە كەشكە جۇرەدى.
«جەتىسۋ» ترك-ءنىڭ حابارلاۋىنشا، وبلىستىڭ باس سانيتارلىق دارىگەرى قايرات بايمۇحامبەتوۆ بۇل قاجەتتى شارا ەكەنىن ايتتى. وبلىستا اۋرۋ دەڭگەيىنىڭ ءوسۋى ءالى دە بايقالۋدا.
بۇگىنگى كۇنى الماتى وبلىسىندا كوروناۆيرۋس ينفەكتسياسىن جۇقتىرعان ادامداردىڭ جالپى سانى 400-دەن اسادى. سوڭعى ءبىر اپتانىڭ ىشىندە اۋرۋ كورسەتكىشى 4,5 پايىزعا دەيىن ءوستى. كارانتين اشىلعانعا دەيىن بۇل كورسەتكىش 2,5 پايىزدى قۇرادى. جاعداي ازاماتتاردىڭ سانيتارلىق نورمالاردى ساقتاماۋى سالدارىنان ناشارلادى.
"وبلىستىڭ باس مەملەكەتتىك سانيتارلىق دارىگەرى رەتىندە مەنى كارانتين رەجيمىن كۇشەيتۋگە ءماجبۇر ەتەدى. ياعني، اۋداندار مەن قالالار اراسىنداعى سانيتارلىق پوستتاردى قايتارۋ، جەكەلەگەن نىساندار مەن ساۋدا ۇيلەرىنىڭ جۇمىسىنا تىيىم سالۋ. قوعامدىق كولىكتەردىڭ قوزعالىسى شەكتەۋلى بولادى، سەبەبى، ونداعى ادامدار ماسكا رەجيمىن ساقتامايدى. باسسەيندەر مەن سۋبۇرقاقتاردى جابامىز. سونداي-اق، ۆيرۋس تاسىمالىنىڭ قاۋپىنە بايلانىستى قاپشاعاي سۋ قويماسىنىڭ جاعاسىنداعى دەمالىس ورىندارىن اشۋدى توقتاتا تۇرۋ جوسپارلانۋدا، - دەدى قايرات بايمۇحامبەتوۆ.
قازىر قالالىق جانە اۋداندىق ءموبيلدى توپتاردىڭ جۇمىسىن تەكسەرەتىن سانيتارلىق-ەپيدەميولوگيالىق قىزمەت، وبلىس اكىمدىگى مەن پروكۋراتۋراسىنىڭ وكىلدەرىنەن، سونداي-اق پوليتسيا بولىمىنەن بىرلەسكەن ءموبيلدى توپ قۇرىلۋدا.
زاڭ بۇزۋشىلىقتار ءۇشىن ايىپپۇل سالىنادى. 5-تەن 500 اەك-كە دەيىنگى سومادا.
