قىشقىل ساتيرا
ول شىلىمىن سورەپ‒سورەپ الدى دا، جەرگە اتىپ ۇرىپ، ءتۋفليىنىڭ تابانىمەن مىجعىلاي باستادى. سوسىن، اڭگىمەسىن باستادى:
ء‒بىز دە جىگىت بولعانبىز، ون سەگىزگە تولعانبىز، بەشىر جاساپ، تالاي ۇيدە قونعانبىز! ‒دەدى كورشىم ەسىنە الدەنەلەردى ءتۇسىرىپ، ‒ قازىرگى «شەگولدەر» شە؟
‒يا، جاسوسپىرىمدەر؟
‒قازىرگى «شەگولدەرگە» تاڭ قالامىن.
‒يا، مەن دە تاڭ قالامىن.
‒مەنىڭ ايتقانىمدى قايتالاي بەرمەشى؟
‒جىنىڭ كەلىپ تۇرعانداي ما؟
‒يا. قازىرگى جاسوسپىرىمدەر، شيەبورىلەر سياقتى. شاكالدار جەمتىگىنە جابىلا كەتەدى عوي؟ باياعىدا، ءبىزدىڭ كەزىمىزدە دە جىگىتتەر اراسىندا كەلىسپەۋشىلىك، توبەلەس بولىپ تۇراتىن. بىراق، جابىلىپ ۇرعان ەمەس. ەرەگىسىپ قالدى ما؟ ەكى جاقتىڭ جىگىتتەرى قاراپ تۇراتىن. سوسىن، اناۋ ەكەۋى جەكپە‒جەككە شىعاتىن. اكە‒شەشەدەن جىبەرەتىن ەندى. بىراق، جاقتاسپايدى. سوسىن ەكەۋدىڭ ءبىرى جەڭىلىپ، مۇرنى قاناپ، ونى جالاپ، جان‒جاعىنا كۇلىپ قاراپ، ناعىز ەركەكتەرشە ءبىر‒بىرىنىڭ قولىن الىسىپ، دوس بولىپ تاراساتىن. ال، قازىر شە؟
‒قازىر وندايلار شيەبورىشە جابىلىپ كەتەدى. باستان تەبەدى، كىرپىشپەن ۇرادى، پىشاق تا سۇعادى، ايتەۋىر ءولتىرىپ تىنادى.
‒وسى دا ەركەكتىك پە؟ قاتىن تىرلىك قوي؟ قاتىندار دا جابىلىپ ساباي الادى! ‒دەگەن كورشىم قىزىنا سويلەدى، ء‒اي، قازىر بىلەكتى ەمەس، ءبىلىمدى جەڭەتىنىن وسى جاستارعا اتا‒انالارى نەگە تۇسىندىرمەيدى؟ نەگە قاداعالامايدى؟
ء‒بارى جۇمىستا، ۋاقىتتارى جوق.
‒مەنىڭ تاڭ قالاتىنىم، بالاسى قىلمىسقا بارىپ، ادام ولتىرسە دە، «ويباي، مەنىڭ بالام ادەيى ولتىرگەن جوق، ويباي مەنىڭ بالام ونداي ەمەس! ويباي دا، ويباي!» دەپ ويبايلايتىن اتا‒انالارعا تۇسىنبەيمىن؟ ءاي، بالاڭ قىلمىس جاسادى ما؟ «سول كەرەك، وزىنە!» دە! قارا جامىلىپ وتىرعان وتباسىنىڭ قارعىسىن العانشا؟ سولاي ەمەس پە؟
‒سولاي. قازىر قىزدار دا توبەلەسەتىن بولدى عوي؟
‒ايتپا ەندى! تۇنگى كلۋبتاردا سەكەڭدەپ ءجۇرىپ، جىگىتتەردى قىزعانىپ، ءبىر‒بىرىنىڭ شاشتارىنان ۇستاي جۇلىسىپ، جەرگە اۋناسىپ، ءبىرىن‒بىرى تەپكىلەپ جاتقان قىزدار كۇنى ەرتەڭ قانداي انا؟ كىمگە پانا؟
‒ۇرتىمىزدى تومپايتىپ، ۇلتىمىزدىڭ بولاشاعى دەپ ايتۋعا ۇيالاسىڭ...
‒ۇيالعانى نەسى؟ مەن قۇمىرىسقانىڭ يلەۋىن كورسەم، سولارمەن بىرگە ىنگە كىرىپ كەتە جازدايمىن!
‒دۇرىس ايتاسىڭ، كورشى!
‒ەندى مىناعان كوڭىل ءبولشى. كۇنى كەشە شىمكەنتتە 17 جاسار ستۋدەنت ءبىر توپ بوزبالانىڭ جابىلىپ ۇرىپ تاستاۋى سالدارىنان قايتىس بولدى. بايعۇستىڭ تىرناقتارىنان دەيىن جۇلىپ تاستاعان. شلاكوبلوكپەن باسىنا ۇرعان. بۇل قانداي جاۋىزدىق؟ قايدان كەلگەن قاتىگەزدىك؟ قۇدايىم، وسىنداي ودىراڭداعان قانىشەرلەردەن ساقتاسىن!
مۇحتار شەرىم
