جازدىڭ العاشقى كۇنىمەن تۇسپا-تۇس كەلەتىن 1 ماۋسىم - حالىقارالىق بالالاردى قورعاۋ كۇنى «شىعىس» وڭىرلىك قولباسشىلىعىنىڭ اسكەري گارنيزوندارىنا قاراستى بارلىق اسكەري بولىمدەردە جىل سايىن ۇيىمداستىرىلادى.
اسكەري قىزمەتشىلەردىڭ وتباسى مۇشەلەرىمەن جۇمىستى ۇيىمداستىرۋ قىزمەتى كوپ بالا جانە مۇمكىندىگى شەكتەۋلى بالالاردى تاربيەلەپ وتىرعان، سونداي-اق، جاۋىنگەرلىك تاپسىرمانى ورىنداۋ بارىسىندا قايتىس بولعان وتباسىلاردى قۇتتىقتادى. ودان باسقا اسكەري قىزمەتشىلەردىڭ بالالارىنىڭ قاتىسۋىمەن سان ءتۇرلى مادەني-شىعارماشىلىق، سپورتتىق ءىس-شارالار وتكىزىلدى. بۇل – داستۇرگە اينالعان شارا.
بيىل گارنيزونداردا اسكەري قىزمەتشىلەردىڭ بالالارى اراسىندا «ءبىز – باقىتتى بالامىز!» تاقىرىبىندا سۋرەت سالۋدان ونلاين-كونكۋرس بولدى. وتباسى مۇشەلەرىمەن جۇمىستى ۇيىمداستىرۋ قىزمەتىنىڭ جەتەكشىسى داريا دوسانبەكوۆا اتاپ وتكەندەي، قىلقالام شەبەرلەرىنىڭ سايىسى وسكەلەڭ ۇرپاقتى وتانسۇيگىشتىككە، ەڭبەكقورلىققا تاربيەلەيدى، جاس دارىنداردى انىقتاۋعا مۇمكىندىك بەرەدى. سۋرەت سالۋدان وتكەن ونلاين-كونكۋرس ەلىمىزدە جاريالانعان توتەنشە جاعداي تالاپتارىن ساقتاي وتىرىپ جۇزەگە استى.
ونىڭ قورىتىندىسى بويىنشا ىنتا-جىگەرىمەن ەرەكشەلەنگەن بالالارعا اسكەري ءبولىم كومانديرىنىڭ تاراپىنان العىس حاتتار مەن بازارلىقتار ۇسىنىلدى.
بۇل كۇن كامەلەتتىك جاسقا تولماعان بالالاردى بەيىمدەۋ ورتالىعىنىڭ تاربيەلەنۋشىلەرى ءۇشىن دە ەرەكشە ەستە قالدى. اسكەري قىزمەتشىلەر انيماتورلارمەن بىرىگىپ، جاسوسپىرىمدەردى توسىن سىي جاساپ قۇتتىقتادى. ءتاتتى تاعامدار ۇسىنىپ، سىيلىقتار دا تاراتتى. جاس جەتكىنشەكتەر اسقاق ارماندارىنا تولى شارلارىن كوك اسپانعا ۇشىردى.
«بالالار كۇنىنە وراي ۇيىمداستىرىلعان ءىس-شارالار سانيتارلىق-ەپيدەميولوگيالىق تالاپتاردى ساقتاي وتىرا ۇيىمداستىرىلدى. جەتكىنشەكتەردى مەرەكەمەن قۇتتىقتاۋ شاراسى اسكەريلەر تاراپىنان جىلدان جىلعا جالعاسىن تابۋدا»، -دەپ اتاپ ءوتتى اسكەري قىزمەتشىلەردىڭ وتباسى مۇشەلەرىمەن جۇمىستى ۇيىمداستىرۋ قىزمەتىنىڭ جەتەكشىسى گۇلنارا موجيكوۆا.
