Jazdyń alǵashqy kúnimen tuspa-tus keletin 1 maýsym - halyqaralyq balalardy qorǵaý kúni «Shyǵys» óńirlik qolbasshylyǵynyń áskerı garnızondaryna qarasty barlyq áskerı bólimderde jyl saıyn uıymdastyrylady.
Áskerı qyzmetshilerdiń otbasy múshelerimen jumysty uıymdastyrý qyzmeti kóp bala jáne múmkindigi shekteýli balalardy tárbıelep otyrǵan, sondaı-aq, jaýyngerlik tapsyrmany oryndaý barysynda qaıtys bolǵan otbasylardy quttyqtady. Odan basqa áskerı qyzmetshilerdiń balalarynyń qatysýymen san túrli mádenı-shyǵarmashylyq, sporttyq is-sharalar ótkizildi. Bul – dástúrge aınalǵan shara.
Bıyl garnızondarda áskerı qyzmetshilerdiń balalary arasynda «Biz – baqytty balamyz!» taqyrybynda sýret salýdan onlaın-konkýrs boldy. Otbasy múshelerimen jumysty uıymdastyrý qyzmetiniń jetekshisi Darııa Dosanbekova atap ótkendeı, qylqalam sheberleriniń saıysy óskeleń urpaqty otansúıgishtikke, eńbekqorlyqqa tárbıeleıdi, jas daryndardy anyqtaýǵa múmkindik beredi. Sýret salýdan ótken onlaın-konkýrs elimizde jarııalanǵan tótenshe jaǵdaı talaptaryn saqtaı otyryp júzege asty.
Onyń qorytyndysy boıynsha ynta-jigerimen erekshelengen balalarǵa áskerı bólim komandıriniń tarapynan alǵys hattar men bazarlyqtar usynyldy.
Bul kún kámelettik jasqa tolmaǵan balalardy beıimdeý ortalyǵynyń tárbıelenýshileri úshin de erekshe este qaldy. Áskerı qyzmetshiler anımatorlarmen birigip, jasóspirimderdi tosyn syı jasap quttyqtady. Tátti taǵamdar usynyp, syılyqtar da taratty. Jas jetkinshekter asqaq armandaryna toly sharlaryn kók aspanǵa ushyrdy.
«Balalar kúnine oraı uıymdastyrylǵan is-sharalar sanıtarlyq-epıdemıologııalyq talaptardy saqtaı otyra uıymdastyryldy. Jetkinshekterdi merekemen quttyqtaý sharasy áskerıler tarapynan jyldan jylǵa jalǵasyn tabýda», -dep atap ótti áskerı qyzmetshilerdiń otbasy múshelerimen jumysty uıymdastyrý qyzmetiniń jetekshisi Gúlnara Mojıkova.
