بۇل باستاما ارقىلى تاريحي ادىلدىك قالپىنا كەلتىرىلەدى

271

بۇگىن ساياسي قۋعىن-سۇرگىن قۇرباندارىن ەسكە الۋ ماقساتىندا مەملەكەت باسشىسى قاسىم-جومارت توقاەۆ ارنايى ۇندەۋ جاريالادى. بۇل مالىمدەمەدەن ەلىمىزدىڭ ءتۇپ-تامىرى ساقتالىپ، تاريحي ادىلدىكتى قالپىنا كەلتىرۋ جۇمىستارى ءجۇرىپ جاتقانىن بىلدىك.

ۇندەۋ بارىسىندا ق.توقاەۆ: «حح عاسىردىڭ 20–50 جىلدارىنداعى ساياسي قۋعىن-سۇرگىن زوبالاڭى – حالقىمىزدىڭ تاريحىنداعى قاسىرەتتى كەزەڭ. 100 مىڭعا جۋىق ازاماتىمىز قۋعىن-سۇرگىنگە ۇشىراپ، سونىڭ 20 مىڭنان استامى اتىلدى. جازىقسىز جازالانعانداردىڭ قاتارىندا ءا.بوكەيحان، ا.بايتۇرسىنۇلى، م.تىنىشباەۆ، م.دۋلاتۇلى، ت.رىسقۇلوۆ، م.جۇماباەۆ، س.سەيفۋللين، ءى.جانسۇگىروۆ، ب.مايلين، س.اسفەندياروۆ سياقتى كورنەكتى مەملەكەت جانە قوعام قايراتكەرلەرى، باسقا دا ۇلت زيالىلارى بار»، – دەدى. ودان بولەك، جازىقسىز جازالانعانداردىڭ ارقايسىسىن ەستە ساقتاۋ ارقىلى عانا كەمەل كەلەشەككە جول اشىپ، بولاشاقتىڭ بەرىك نەگىزى تاۋەلسىزدىكتەن باستاۋ الاتىنىن باسا ايتتى.

مەملەكەت باسشىسىنىڭ ساياسي قۋعىن-سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋ باستاماسى – قاسقالداقتىڭ قانىنداي وتە قاجەت دۇنيە. مۇنى دۇرىس شەشىم دەپ ەسەپتەي وتىرىپ، زوبالاڭعا ۇشىراعان بوزداقتارىمىزدىڭ اتىن جاڭعىرتىپ، تاريحىن تولىققاندى زەرتتەسە دەيمىن. ويتكەنى سولاقاي ساياساتتىڭ ارقاسىندا سان مىڭداعان دارىندىلارىمىز بەن ءبىرتۋار تۇلعالارىمىزدان ايىرىلدىق. ەل ۇستىنى قوعام قايراتكەرلەرىمىز بەن اقىن-جازۋشىلارىمىز نىساناعا ىلىكتى. سوندىقتان بۇل زۇلماتتى ۇمىتۋ مۇمكىن ەمەس.

اقجول قالشابەك،
فيلولوگيا عىلىمدارىنىڭ كانديداتى، دوتسەنت

پىكىرلەر
رەداكتسيا تاڭداۋى