Bul bastama arqyly tarıhı ádildik qalpyna keltiriledi

269

Búgin saıası qýǵyn-súrgin qurbandaryn eske alý maqsatynda Memleket basshysy Qasym-Jomart Toqaev arnaıy Úndeý jarııalady. Bul málimdemeden elimizdiń túp-tamyry saqtalyp, tarıhı ádildikti qalpyna keltirý jumystary júrip jatqanyn bildik.

Úndeý barysynda Q.Toqaev: «HH ǵasyrdyń 20–50 jyldaryndaǵy saıası qýǵyn-súrgin zobalańy – halqymyzdyń tarıhyndaǵy qasiretti kezeń. 100 myńǵa jýyq azamatymyz qýǵyn-súrginge ushyrap, sonyń 20 myńnan astamy atyldy. Jazyqsyz jazalanǵandardyń qatarynda Á.Bókeıhan, A.Baıtursynuly, M.Tynyshbaev, M.Dýlatuly, T.Rysqulov, M.Jumabaev, S.Seıfýllın, I.Jansúgirov, B.Maılın, S.Asfendııarov sııaqty kórnekti memleket jáne qoǵam qaıratkerleri, basqa da ult zııalylary bar», – dedi. Odan bólek, jazyqsyz jazalanǵandardyń árqaısysyn este saqtaý arqyly ǵana kemel keleshekke jol ashyp, bolashaqtyń berik negizi Táýelsizdikten bastaý alatynyn basa aıtty.

Memleket basshysynyń saıası qýǵyn-súrgin qurbandaryn aqtaý úshin arnaıy memlekettik komıssııa qurý bastamasy – qasqaldaqtyń qanyndaı óte qajet dúnıe. Muny durys sheshim dep esepteı otyryp, zobalańǵa ushyraǵan bozdaqtarymyzdyń atyn jańǵyrtyp, tarıhyn tolyqqandy zerttese deımin. Óıtkeni solaqaı saıasattyń arqasynda san myńdaǵan daryndylarymyz ben birtýar tulǵalarymyzdan aıyryldyq. El ustyny qoǵam qaıratkerlerimiz ben aqyn-jazýshylarymyz nysanaǵa ilikti. Sondyqtan bul zulmatty umytý múmkin emes.

Aqjol QALShABEK,
Fılologııa ǵylymdarynyń kandıdaty, doent

Pikirler
Redakııa tańdaýy