الماتى بازارىندا نەگە اتىس بولدى؟

3364
Adyrna.kz Telegram

الماتىداعى "سارىارقا" بازارىندا اتىس بولدى، دەپ حابارلايدى Stan.kz.

قالا تۇرعىندارى كۇندىز اتىس بولعانداعى تۋرالى الەۋمەتتىك جەلىدە جاريالاعان.

"27 مامىردا تاپا-تال تۇستە "سارىارقا" بازارىندا اتىس بولدى. ول كولىك تۇراعى ءۇشىن بولعان جانجالدان تۋىنداعان سەكىلدى", - دەلىنگەن حابارلامادا.

قالالىق پد ءباسپاسوز قىزمەتىنىڭ حابارلاۋىنشا، وقيعا 27 مامىر كۇنى تۇسكى ساعات 13:00 شاماسىندا بولعان.

"102 نومىرىنە حابارلاما تۇسكەن سوڭ جەدەل تەرگەۋ توبى وقيعا ورنىنا اتتاندى. بازار كۇزەتشىسى، تۇراق تولەمىن قابىلدايتىن قىزمەتكەر مەن ساۋدا ورىندارىن جالعا العان ساۋداگەرلەر تۇراق اقىسىنا قاتىستى سوزگە كەلىپ قالعان. داۋدىڭ ارتى جانجالعا ۇلاسىپ، وق اتىلعان", - دەدى پد ءباسپاسوز قىزمەتى.

پوليتسيا كۇدىكتىلەردى بىردەن ۇستاعان.

"بۇل دەرەكتى اۋەزوۆ اۋداندىق پوليتسيا ءبولىمى قر قك 293-بابىنىڭ 3-تارماعى بويىنشا سوتقا دەيىنگى تەرگەۋ رەەسترىنە تىركەدى. گازبەن اتاتىن تاپانشا تاركىلەنىپ الىنىپ، بالليستيكالىق ساراپتاماعا جىبەرىلدى. قىلمىستىق ءىس اياسىندا سوت-مەديتسينالىق ساراپتاماسى تاعايىندالدى. سوعان سايكەس جاراقات العان ادامداردىڭ دەنساۋلىعىنا كەلتىرىلگەن زيان دارەجەسى انىقتالاتىن بولادى", - دەدى پوليتسيا دەپارتامەنتىنىڭ ءباسپاسوز قىزمەتى.

"ادىرنا" ۇلتتىق پورتالى

پىكىرلەر