پوليتسەيدىڭ اكەسى: مەن ونى بىلمەدىم... (ۆيدەو)

5794
Adyrna.kz Telegram

الماتى بلوك-بەكەتىندەگى ەكى پوليتسەيدىڭ ولىمىنە سەبەپشى بولعان  ازات ازاماتوۆتىڭ اكەسى تالعات مۇقاشەۆ قازاقستاندىقتاردان كەشىرىم سۇرادى. ايتۋىنشا، ۇلىنىڭ جۇمىستان شىعىپ كەتكەنىن بىلمەگەن.

"قۇرمەتتى قازاق ەلى! كەشە مەن ۇلىم ازات تۋرالى سۇحبات بەرىپ ەدىم. مەن ونى بىلمەدىم. بىرىنشىدەن، ۇلىمنىڭ ارىپتەستەرىنە تاعى دا باسىمدى ءيىپ، كوڭىلىمدى ايتامىن. مەنىڭ دە قابىرعاما باتىپ تۇر. ومىردە جاس بالانىڭ كەتىپ قالعانى –  ارتتاعى انا-انانى شىداتپاعان. ءار قازاقتىڭ قابىرعاسىنا قايىستاي باتاتىنىن مەن دە جاقسى تۇسىنەم. بارىڭىزدەن كەشىرىم سۇرايمىن. بىراق مەنىڭ بالام كوروناۆيرۋسقا قارسى دەمالىسسىز جۇمىس جاساپ، وعان شىداماي، جۇمىسىنان ءوز ەركىمەن كەتىپ قالعانىن مەن بىلمەدىم. مەن ونى بىلسەم، كەشە وسىنداي ءسوز ايتپاس ەدىم. بىراق، ءومىر تالقى – وسىنداي بوپ تۇر. جۇمىستان شىققانىن ەندى ءبىلدىم، شىداماي كەتىپ قالعانىن. مەنەن قورىقتى ما، بىلمەيمىن. بالامدى قاتال ءوسىرىپ ەدىم. ادامگەرشىلىك ۇعىمنان اسقىم كەلمەيدى مەن دە. ادام بالاسى ەت پەن سۇيەكتەن جاراتىلعان. ەشكىمنىڭ بالاسىنا قيانات جاساعىم كەلمەيدى. ءار ادامنىڭ بالاسىندا بار شىعار مۇنداي قاتەلەسۋ. بالام دا قاتەلەسكەن شىعار. مۇمكىن مەن دە دۇرىس تاربيە بەرمەگەن شىعارمىن. بىراق مەن ويلايمىن، ول جامان بالا ەمەس. ءومىر بولعان سوڭ ءبارى بولىپ جاتقان شىعار. كەشە مەن شىنىندا دا بەردىم. حالقىم، مەن سىزدەردەن كەشىرىم سۇرايمىن. سوگە كورمەڭىزدەرشى، سىزدەر دە اتا-اناسىزدار عوي..." - دەدى ول

ەستەرىڭىزگە سالا كەتسەك، ت.مۇقاشەۆ "31 ارناعا" بەرگەن سۇحباتىندا ۇلىنىڭ پوليتسيا قىزمەتىنەن شىعارىلماعانىن ايتقان.

"ادىرنا" ۇلتتىق پورتالى

پىكىرلەر