تۋعان ەلدىڭ ەرتەڭىن ويلاپ تەبىرەنەسىڭ بە، زامانداس؟

278

"ۇلتقا قىزمەت ەتۋ- بىلىمنەن ەمەس، مىنەزدەن" 

ءاليحان بوكەيحانوۆ 

 ەلدىڭ ەرتەڭى، بۇگىنگى كۇنمەن تىعىز بايلانىستى. حالقىنىڭ ەرتەڭىن ويلار، بولاشاعىنا الاڭدار، جاستار كازىرگى تاڭدا بار ما؟! اتا-بابالارىمىز اڭساعان تاۋەلسىزدىكتىڭ قادىرىن،قۇندىلىعىن ۇعاما؟! وسكەلەڭ ۇرپاققا ونەگە بەرۋگە دايىن با؟ قانمەن جەتكەن تاۋەلسىزدىككە قانشالىقتى جاۋاپكەرشىلىكپەن قارايدى؟! تاۋەلسىزدىكە قانشا جىل ەكەنىن بىلە مە؟! جاستار كازىر"تاۋەلسىزدىك كۇنىن"كۇتىپ،اتاپ وتە مە؟ ءار ءبىر قازاق وتباسى وزدەرىنشە تويلاي ما؟ باتىرلارىمىزدى بىلە مە؟ الدە ءبىز تاۋەلسىز ەلمىز، دەموكراتيامىز دەپ ەركىندىكتىڭ جەتەگىندە ءجۇر مە؟ ينتەرنەت جەلىسىندە جۇرگىزگەن ساۋالنامامدا تاۋەلسىزدىك كۇنىنە وراي قويىلعان سۇراقتاردىڭ كوز قۋانتارلىق ناتيجە بەرمەگەنى جانىما باتتى7 100ادامنىڭ ىشىنەن 10ادامنىڭ عانا بەرگەن جاۋابى كوكەيىمە قوندى. قويىلعان سۇراق قيىن ەمەس: 1)تاۋەلسىزدىگىمىزگە قانشا جىل؟ 2)حالىق قاھارماندارىنان كىمدى بىلەسىز؟ ء3)سىز تاۋەلسىزدىك كۇنىن قالاي تويلايسىز؟ 4)باۋىرجان مومىشۇلى كىم؟ 5)پۋلەمەتشى مانشۇك مامەتوۆانى تانيسىز با، ول قاي سوعىسقا قاتىسقان. بۇل سۇراقتى وزىڭىزگە دە قويىپ كورىڭىزشى. جاۋابىن بىلەسىز بە؟ ساۋالعا قاتىسقاننىڭ كوبى -جاستار. بىراق،  جاۋابىن ءبىرازى بىلمەيدى. 

البەتتە،ەل ىشىندە حالىققا جانى اشىر، ەلى ءۇشىن بارىنە دايار ۇل - قىزدارىمىز بار. بىراق، مىڭنان ءبىرى. وكىنشتىسى - وسى. قازاقستاندا تۇرىپ ءوز "تاۋەلسىزدىك كۇنىن "بىلمەيتىندەر جەتەرلىك. " ءوز ۇلتىن سىيلاماۋ، ونى ماقتانىش ەتپەۋ - ساتقىندىق. " سول سەبەپتى، ءوز ەلىڭدى ماقتان ەتكىڭ كەلسە، ماقتانۋعا لايىق ءىس-ارەكەت جاسا. ارامىزدا ەلىن جاۋدان قورعاعان، ەرتەڭگى ۇرپاعىمىز امان بولسىن، سولار ەلدىڭ اتىن شىعارسىن دەپ، جان الىسىپ، جان بەرىسكەن اعا، اپكەلەرىمىزدى بىلمەيتىن دە جاستار بار.

ءوز ەلىنىڭ تاريحىنان سۋسىنداماعان، بىراق،سول ەلدىڭ توپىراعىندا اۋناعان ەلدىڭ ۇرپاقتارى، ەل ەرتەڭى وسۋدە.

سۇم سوعىستا جانىن ەمەس، ەلىن ويلاعان باتىرلار ءتىزىمى ماڭگى ەل تاريحىندا قالماق. 449قازاقستاندىق ازامات كەڭەس وداعىنىڭ باتىرى اتاعىنا يە بولدى. اتاپ ايتار، كوكىرەك سوعىپ ماقتانار باتىرلارىمىز: داڭقتى قولباسشى باۋىرجان مومىشۇلى. ۇشقىش تالعات بيگەلدينوۆ. ەلىنىڭ ەمىرەنگەن داۋىسنان تەك ەل تىرەگى، ەر ازاماتتار عانا ەمەس قازاقتىڭ قايسار، وجەت قىزدارى دا الاڭعا شىعىپ، باتىرلىعىن كورسەتكەن. بۇل اۋرلارىمىزدىڭ اتتارى ءاربىر قىز بالاسىنا تانسىق دۇنيە، ۇلگى الار ارۋ جاندار، ولار: اعا سەرجانت، پۋلەمەتشى مانشۇك مامەتوۆا،4-باتالونىنىڭ سنايپەرى ءاليا مولداعۇلوۆا، جانە دە "قازاقستاننىڭ حالىق قاھارمانى" حيۋاز دوسپانوۆا. 

جاقسىنىڭ اتى ولمەس. قالدىرعان ءىزى وشپەگەن، باتىر دا، باتىل جاندارىمىز از ەمەس. ءتىزىمنىڭ قاتارىندا: مالىك عابدۋللين، ساعادات نۇرماعامبەتوۆ، قاسىم قايسەنوۆ، قاسىم امانجولوۆ، ءابۋ سارسەنباەۆ سىندى اتالارىمىز دا بار. 

جاس بولسا دا،باس بولا بىلگەن باتىرلارىمىزدىڭ اتى، ءاربىر قازاق بالاسىنىڭ ساناسىندا،جۇرەگىندە ءاردايىم اتالىپ ءجۇرۋ ءتيىس. ەل تىرەگى، ەل بولاشاعى ءبىزدىڭ اتا-بابامىزدىڭ ءبىز ءۇشىن ەڭبەك ەتكەندىگىن،،قان توگىسىپ مايدان كەشكەندىگىن ءبىلۋى قاجەت. كازىر ەمىن-ەركىن، بەيبىت ەلدە ءومىر ءسۇرىپ، كىمنىڭ ارقاسىندا" تاۋەلسىز قازاقستان"بولعانىمىزدى ۇمىتپاۋ كەرەك. ءوز ەلىنىڭ نانىن جەگەن قازاق بالاسى، تاريحىناندا ءبىلىم الىپ، كەز-كەلگەن ساتتە، كەز-كەلگەن ورتادا، ءوزىن قازاق ۇرپاعى ەكەنىنە كۇمانسىز، باسىن تىك كوتەرىپ، كەۋدە سوعىپ ايتا السا ەكەن. قارۋسىز مايداننىڭ باتىرى بولۋدان اۋلاق بولىپ، ەرتەڭ قازاقتىڭ تاريحىن بالاسىنا، ۇمىت بولىپ كەلە جاتقان ەلىنە، ايتا السا ەكەن. وتان ءۇشىن وتقا تۇسكەن باتىرلارىمىزدى ەسكە الىپ وتىرۋ ءبىزدىڭ مىندەتىمىز. باۋىرجان اتامىز: "جاۋىنگەرلىك تاربيە اسكەري كيىمدە ەمەس،جۇرەكتە جاتىر"-دەگەندەي،وتانعا دەگەن سەزىم،وتان الدىنداعى قىزمەت، مانساپقا ەمەس، كيىمگە ەمەس، سەنىڭ ەلىڭە دەگەن سەزىمىڭە،ءوز تۇيسىگىڭە بايلانىستى. 

تاۋەلسىزدىكتى ساقتاعىڭىز كەلسە، ءبىرىنشى ءوزىڭىز سول جايىندا ماعلۇمات الىڭىز، وقىڭىز جادىڭىزدا ولە-ولگەنشە ساقتاڭىز. سودان كەيىن ءوز ورتاڭىزبەن وتباسىڭىزدا ءجيى ەسكە الىپ ايتىپ وتىرىڭىز. سەبەبى، بۇگىنگى كۇن - ەرتەڭگى بولاشاقتىڭ بەينەسى. تاستى تەسكەن سۋدىڭ كۇشى ەمەس، تامشىلاردىڭ ۇزدىكسىزدىگى. قازاق تاريحىن ءبىل، ءسۇي، وتانىڭدى ءسۇي، ەلىڭ ءۇشىن ايانباي ەڭبەك ەت! سەن سوندا عانا وتان الدىنداعى پارىزىڭدى اقتايسىڭ.

تالاسباەۆا اياجان،

الماتى وبلىسى، قاراساي اۋدانى، ۇشتەرەك اۋىلى، ۇشتەرەك ورتا مەكتەبىنىڭ وقۋشىسى:

عىلىمي جەتەكشىسى:ف.ع.ك،، دوتسەنت جيدەگۇل ابدىجادىلقىزى

 

پىكىرلەر
رەداكتسيا تاڭداۋى