مەملەكەت باسشىسى ۇسىنعان "15-10-20" باعدارلاماسى بويىنشا ءۇي الۋدا وتباسىلىق تابىس كولەمى مەن كۇنكورىس شەگىنىڭ ساناتى زور ماڭىزعا يە ەكەنى ايتىلدى.
وتباسىنىڭ ءار مۇشەسىنە شاققاندا اي سايىنعى تابىستىڭ مولشەرى 3 كۇنكورىس شەگىنەن اسپاسا، وندا ولار "5-10-20" باعدارلاماسىنا قاتىسۋعا مۇمكىندىك الادى. يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ وسىنداي دەپ مالىمدەدى.
ەگەر وتباسىنىڭ ءار مۇشەسىنە ساناعاندا اي سايىنعى تابىس 1 كۇنكورىس شەگى نەمەسە 31,2 مىڭ تەڭگەدەن اسپاسا، وندا ارەندالىق پاتەر ۇسىنىلادى ەكەن. ياعني، باسپانا ازاماتتار ساناتى بويىنشا ەمەس، ءار وتباسى مۇشەسىنە شاققانداعى تابىسقا بايلانىستى.
وتباسىنىڭ ءاربىر مۇشەسىنە شاققاندا كىرىس 2 كۇنكورىس شەگى نەمەسە 62,4 مىڭ تەڭگەنى قۇراسا، "باقىتتى وتباسى" باعدارلاماسى بويىنشا جىلدىق 2%-پەن يپوتەكا بەرىلەدى. ياعني، مۇنداي ازاماتتار "2-10-20" باعدارلاماسىنا قاتىسا الادى.
ءار وتباسى مۇشەسىنە شاققاندا اي سايىنعى تابىس 3 كۇنكورىس شەگىن، 96 مىڭ 700 تەڭگەنى قۇراسا، باسپانا جاڭا "5-10-20" باعدارلاماسى بويىنشا ۇسىنىلادى.
ال كىرىسى ءار وتباسى مۇشەسىنە ساناعاندا ءۇش جانە ودان جوعارى كۇنكورىس شەگىنەن اسسا، وندا ەكىنشى دەڭگەيلى بانكتەر ارقىلى "7-20-25" باعدارلاماسىنا قاتىسىپ، باسپانالى بولۋعا مۇمكىندىك بار.
"ادىرنا" ۇلتتىق پورتالى
